"Otbasy bank" tis emdeýge ótinish berý kezinde BZJQ qarajatyn maqsatsyz paidalaný jáne qujattardy qoldan jasaý derekteri anyqtalǵanyn málimdedi,- dep habarlaidy Dalanews.kz.
Sondyqtan osy máselege bailanysty birqatar jiyn ótkizilip, nátijesinde 15 qyrkúiekten bastap 2026 jylǵy 15 sáýirge deiin enpf-otbasy.kz platformasynda tis emdeýge ótinish qabyldaý ýaqytsha toqtatylǵan.
"Osy kúnge deiin berilgen ótinishter ádettegi tártippen qaralady", - dedi bank ókilderi.
Osy ýaqyt aralyǵynda bank múddeli memlekettik organdarmen birlesip, tis emdeýge zeinetaqy aqshasyn paidalaný barysynda alaiaqtyq áreketterdiń aldyn alý úshin tiimdi júie ázirlemek.
2021 jyldan 2025 jylǵy 20 tamyzǵa deiin Otbasy bankiniń enpf-otbasy.kz platformasy arqyly tek "Stomatologiialyq qyzmetter" baǵyty boiynsha 757 mlrd teńgege 795 424 tranzaktsiia jasalǵan.
Sonyń 222,61 mlrd teńgesi TOP-20 stomatologiialyq klinikaǵa túsken. Bul klinikalardyń jartysy Atyraýda, qalǵandary Almaty men Astanada ornalasqan.
