"وتباسى بانك" ءتىس ەمدەۋگە ءوتىنىش بەرۋ كەزىندە بزجق قاراجاتىن ماقساتسىز پايدالانۋ جانە قۇجاتتاردى قولدان جاساۋ دەرەكتەرى انىقتالعانىن مالىمدەدى،- دەپ حابارلايدى Dalanews.kz.
سوندىقتان وسى ماسەلەگە بايلانىستى ءبىرقاتار جيىن وتكىزىلىپ، ناتيجەسىندە 15 قىركۇيەكتەن باستاپ 2026 جىلعى 15 ساۋىرگە دەيىن enpf-otbasy.kz پلاتفورماسىندا ءتىس ەمدەۋگە ءوتىنىش قابىلداۋ ۋاقىتشا توقتاتىلعان.
"وسى كۇنگە دەيىن بەرىلگەن وتىنىشتەر ادەتتەگى تارتىپپەن قارالادى"، - دەدى بانك وكىلدەرى.
وسى ۋاقىت ارالىعىندا بانك مۇددەلى مەملەكەتتىك ورگاندارمەن بىرلەسىپ، ءتىس ەمدەۋگە زەينەتاقى اقشاسىن پايدالانۋ بارىسىندا الاياقتىق ارەكەتتەردىڭ الدىن الۋ ءۇشىن ءتيىمدى جۇيە ازىرلەمەك.
2021 جىلدان 2025 جىلعى 20 تامىزعا دەيىن وتباسى بانكىنىڭ enpf-otbasy.kz پلاتفورماسى ارقىلى تەك "ستوماتولوگيالىق قىزمەتتەر" باعىتى بويىنشا 757 ملرد تەڭگەگە 795 424 ترانزاكسيا جاسالعان.
سونىڭ 222،61 ملرد تەڭگەسى توپ-20 ستوماتولوگيالىق كلينيكاعا تۇسكەن. بۇل كلينيكالاردىڭ جارتىسى اتىراۋدا، قالعاندارى الماتى مەن استانادا ورنالاسقان.
