Qazaqstandyqtar Otbasy bank qyzmetteriniń qoljetimsiz ekenine shaǵymdanýda. Olardyń aitýynsha, banktiń mobildi qosymshasy men «Baspana market» platformasy jumys istemei tur, dep habarlaidy Dalanews.kz.
Bank qosymshasynyń shynymen de ýaqytsha istemei tur. Kórsetilgen sebep – tehnikalyq jumystardyń júrgizilýi.
Sonymen qatar «Baspana market» platformasy da qoljetimsiz. Bul serviste de tehnikalyq jumystar atqarylyp jatqany habarlanǵan.
"Tehnikalyq jumystar júrgizilýde. Ýaqytsha qolaisyzdyqtar úshin keshirim suraimyz", delingen habarlamada.
Keibir qazaqstandyqtardyń aitýynsha, Otbasy banktegi aqaý 1 qańtardan beri jalǵasyp keledi. Alǵashynda qoldanýshylarǵa servisterdiń ýaqytsha qoljetimsiz ekeni týraly habarlama shyqqan. Keiinirek tehnikalyq jumystar júrgizilip jatqany jóninde eskertý paida bolǵan.
Bul jaǵdaiǵa qatysty bank ókilderi pikir bildirgen. Qazirgi ýaqytta banktik servister boiynsha tehnikalyq jumystar júrgizilýde. Bul protsess josparlanǵannan uzaǵyraq ýaqytty aldy.
"Ókinishke qarai, ýaqytsha túrde bank bólimshelerinde, Baspana market platformasynda jáne mobildi qosymshada operatsiialar qoljetimsiz. Sondai-aq bailanys ortalyǵy ýaqytsha jumys istemeidi.
Bizdiń mamandar barlyq júieler men banktik operatsiialardyń múmkindiginshe tezirek qalypty rejimde jumys isteýi jáne klientterdiń bank qyzmetterin tolyq paidalana alýy úshin jumystar júrgizip jatyr. Biz sizderdi únemi habardar etip otyramyz jáne barlyq servister qaita iske qosylǵan sátte mindetti túrde habarlaimyz", delingen habarlamada.
