Sondai-aq shetelge jasalǵan aqsha aýdarymdarynyń taǵy bir bóligi Túrkiiaǵa tiesili. Jalpy, Qazaqstandaǵy aqsha aýdarymdary júiesi (AAJ) arqyly jeke tulǵalardyń jasaǵan halyqaralyq aqsha aýdarymdarynyń kólemi ekinshi jyl qatarynan qysqarýda, dep jazady Dalanews.kz.
"Máselen, 2024 jyldyń qańtar–jeltoqsan ailarynda AAJ arqyly shetelge jiberilgen aqsha aýdarymdarynyń kólemi 788,6 mlrd teńgeni qurady, bul 2023 jyldyń osy kezeńimen salystyrǵanda birden 18%-ǵa az ekenin kórsetedi. Bir jyldaǵy tranzaktsiialar sany 18,4%-ǵa, iaǵni 2,1 mln-ǵa deiin qysqardy, al bir rettik aýdarymnyń ortasha mólsheri tek 0,5%- ǵa, 374,1 myń teńgege deiin ulǵaidy", - deidi Finprom sarapshylary.
AAJ arqyly shetelden kelip jetken aqsha aýdarymdarynyń kólemi 22,6%-ǵa azaiyp, 2024 jylǵy qańtar–jeltoqsanda 236,7 mlrd teńgeni qurady. Tranzaktsiialar sany 20,6%-ǵa, 787,4 myńǵa deiin qysqardy, sonyń saldarynan bir rettik aýdarymnyń ortasha mólsheri 2,6%-ǵa, 300,6 myń teńgege deiin azaidy.
2024 jylǵy qańtar–jeltoqsanda shetelge jasalǵan aqsha aýdarymdarynyń jalpy kóleminiń 80%-ǵa jýyǵy úsh elge tiesili: Ózbekstan (234,1 mlrd teńge), Resei (231,2 mlrd teńge) jáne Túrkiia (156,2 mlrd teńge). Sondai-aq, qomaqty kólemdegi aqshalar Grýziiaǵa (54 mlrd teńge), Qyrǵyzstanǵa (29 mlrd teńge) jáne Qytaiǵa (26,9 mlrd teńge) jóneltilgen. Shetelden Qazaqstanǵa jasalǵan aqsha aýdarymdarynyń jartysy Reseige (61,8 mlrd teńge), AQSh-qa (32,4 mlrd teńge) jáne Ońtústik Koreiaǵa (24,5 mlrd teńge) tiesili. Aqshalai qarajattyń edáýir kólemi Ózbekstannan (23,6 mlrd teńge), Túrkiiadan (20,3 mlrd teńge) jáne Germaniiadan (17,5 mlrd teńge) jiberilgen.
"Halyqaralyq aqsha aýdarymdary júieleri ishinde aýdarylǵan 788,6 mlrd teńgeniń 656,3 mlrd teńgesi tek "Zolotaia Korona" AAJ arqyly júzege asyrylǵan. Alaida, 2023 jylǵy qańtar-jeltoqsanmen salystyrǵanda "Zolotaia Korona" arqyly alynǵan qarajat kólemi 14,4% - ǵa qysqardy, bul rette onyń barlyq aqsha aýdarymdaryndaǵy úlesi, kerisinshe, bir jyl ishinde 79,8%-dan 83,2%-ǵa deiin ósti. Western Union-nyń da úlesi artyp (5,7% -dan 10,7%-ǵa deiin), al kólemi 1,5 eseden asty, iaǵni 84,2 mlrd teńgege deiin. MoneyGram AAJ arqyly alynǵan aqsha aýdarymdary kólemi bir jylda 7%-ǵa, iaǵni 17,6 mlrd teńgege deiin ulǵaidy", delingen taldaýda.
Shetelden alynǵan aqsha aýdarymdaryna keletin bolsaq, "Zolotaia Koronaǵa" jalpy kólemniń jartysynan sál astamyn tiesili: 120 mlrd teńge, degenmen bul bir jyl burynǵyǵa qaraǵanda 22,8%-ǵa az. Bul jaǵdaida júieniń úlesi is júzinde ózgergen joq. Western Union úlesi bir jylda aitarlyqtai ósti (22,7% -dan 30,4%-ǵa deiin), al aqsha kólemi 3,5%-ǵa, 71,9 mlrd teńgege deiin artty. MoneyGram AAJ arqyly alynǵan aqsha qarajatynyń kólemi bir jyl ishinde 7,2%-ǵa, 36,5 mlrd teńgege deiin azaidy.
Buǵan deiin saitymyzda "Qazaqstanǵa shetelden jasalǵan aqsha aýdarymdary kólemi boiynsha antirekord tirkeldi" degen material jariialanǵan bolatyn. Sondai-aq qazaqstandyq 4 bank "Zolotaia koronamen" jumysty toqtatqany da habarlanǵan.
