Belgili kásipker jáne Eurasian Resources Group (ERG) negizin qalaýshylardyń biri Aleksandr Mashkevıch 72 jasynda ómirden ótti, dep habarlaıdy Dalanews.kz.
ERG baspasóz qyzmetiniń habarlaýynsha, onyń qaıtys bolýyna uzaqqa sozylǵan syrqat sebep bolǵan
“Ol 2014 jyldan 2024 jylǵa deıin ERG Dırektorlar keńesiniń tóraǵasy boldy. Sondaı-aq, Mashkevıch uzaq jyldar boıy “Eýrazıalyq bank” AQ Dırektorlar keńesiniń tóraǵasy qyzmetin atqardy”, – dep habarlady kompanıalar tobynyń baspasóz qyzmeti áleýmettik jelilerde.
Aıta keteıik, belgili kásipker ERG-ti Patoh Shodıev, Ibragımovtar otbasy jáne Qazaqstan úkimetimen birlese basqaryp, kompanıanyń damýyna eleýli úles qosty. ERG quramyna TNK “Qazhrom”, Sokolov-Sarybaı taý-ken baıytý óndiristik birlestigi, “Alúmını Qazaqstan”, Qazaqstan elektrolız zaýyty sekildi iri óndiristik kásiporyndar kiredi.
Sonymen qatar Mashkevıch Shodıev jáne Ibragımovtarmen birge «Eýrazıalyq qarjy kompanıasy» AQ, «Eýrazıalyq ónerkásip kompanıasy» AQ jáne «Eýrazıalyq óndiristik kompanıasy» JSHS-niń teń ıesi boldy. Ol Qazaqstan Prezıdenti janyndaǵy Sheteldik ınvestorlar keńesiniń múshesi ári Qazaqstan at sporty federasıasynyń qurmetti prezıdenti retinde de tanymal edi.
