Elimizge belgili kásipker Ulyqbek Sháripov “Qairat” fýtbol klýbynyń jas qaqpashysy Sherhan Qalmyrzaǵa sý jańa Exeed kóligin tartý etti, dep habarlaidy Dalanews.kz.
Áleýmettik jelide aitýly sáttiń videosy tarady. Kásipker fýtbolshyǵa alǵysyn aityp, aldaǵy sporttyq jolyna sáttilik tiledi.
“Bul – seniń jeke kóligiń. Bizge erekshe áser syiladyń. Eń bastysy, talpynysyńdy toqtatpa!”, — deidi Ulyqbek Sháripov.
Kútpegen jerden baǵaly syiǵa ie bolǵan Sherhan tańdanysyn jasyra almady. Bul sátke jas fýtbolshynyń jaqyndary da kýá boldy.
Eske salaiyq, kúni keshe Almatyda “Qairat” pen “Realdyń” tarihi matchy ótti.
Oiynnan keiin «Qairattyń» 18 jastaǵy qaqpashysy Sherhan Qalmyrza álem juldyzyna ainaldy. Ol 7 márte seiv jasap, qarsylas komandanyń soqqylaryn qaitardy.
Alǵashqy minýttardan bastap alańǵa qos komandanyń basty juldyzdary – Kilian Mbappe, Vinisiýs Jýnior, Dastan Sátpaev jáne Sherhan Qalmyrza shyqty.
Alǵashqy taimnyń sońyna qarai esep «Realdyń» paidasyna 0:1 boldy.
Birinshi taimdaǵy jalǵyz goldy frantsýz shabýylshysy Kilian Mbappe soqty. Ol 25-minýtta 11 metrlik aiyp dobyn sátti júzege asyrdy.
Ekinshi taimda Mbappe taǵy eki márte kózge tústi – 52 jáne 74 minýttarda soqqan goldarymen esepti 3:0-ge jetkizdi.
Frantsýz forvardynyń eki golynyń arasynda tóreshi «Real» qaqpasyna penalti belgiledi, biraq beinetaspaǵa júgingennen keiin sheshimin ózgertip, aiyp dobyn joqqa shyǵardy.
«Qairattyń» bapkeri Rafael Ýrazbahtin oiyn barysyn ózgertýge tyrysyp, alańǵa Baibekti, Edmilsondy, Stanoevti, Rikardinony jáne jaraqatynan keiin uzaq ýaqyt oinamaǵan Zariiany shyǵardy. Degenmen bul kezdesýdiń taǵdyryn ózgerte almady.
83-minýtta Edýardo Kamavinga «Qairat» qaqpasyna tórtinshi goldy soqty. Bul da sońǵy gol bolmady.
Qosymsha ýaqytta Braim Dias besinshi goldy soǵyp, matchtaǵy sońǵy núkteni qoidy.
Kezdesý «Realdyń» paidasyna 5:0 esebimen aiaqtaldy.
