Aqtóbelik kásipker Qýandyq Álishev eki jyl buryn qala irgesindegi qorymnan oryn alyp, zirat basyna óziniń eskertkishin ornatyp qoiǵan, dep habarlaidy Dalanews.kz.
“QazAqparat” agenttiginiń málimetinshe, Aqtóbe qalasy Kirpishti turǵyn alaby mańynda úlken qorym bar. Munda qazaqtarmen qatar ózge etnos ókilderi de jerlengen. Kireberistiń sol jaq bóliginde ornalasqan Álishevtiń eskertkish músini 2022 jyly salynǵan.
“Óziniń eskertkishin 2022 jyldan bastap bar bolǵany 2-3 aida granit tastan óz eskertkishin quidy. Biraq, ziratta satylmaidy”, - dedi Kirpishti turǵyn alabyndaǵy orys ziratynyń ákimshisi Sábit Dúisenov.
Onyń aitýynsha, zirattaǵy jer telimi tegin berilgen, biraq, qabir qazý úshin , 90 myń teńge tóleý kerek.
Al, kózi tiri kásipker ziratynyń oń jaǵyna “Baqytty ómirdiń belgisi: Abyroi, bala-urpaqtaryń”, al sol jaǵyna “Tynymsyz izdený, mazasyz tirlik - muratyń” dep jazdyrǵan.
“Men 86 jastamyn. Osydan eki jyl buryn qańtarda qulap, belim synyp qalyp, jattym. Sol kezde óz balalarymdai bolǵan bastyqtar kelip, densaýlyǵymdy surady. “Aǵalaryńnyń ólip qalatyn túri bar, júre almaidy. Almatyda balalarym, inilerim, jaqyn dostarym kóp. Jer berseńder, solar barlyǵyn jasap beredi” dep aittym. Al zirattyń ornyn qyrdyń ústinen ózim tańdap aldym. Jer bergen kisilerdi kinálaityn eshteńe joq. Suraǵan men kináli. Men saldym”, - dedi kásipker Qýandyq Álishev.
“QazAqparattyń” habarlaýynsha, Qýandyq Álishev – Aqtóbe oblysy Temir aýdanynyń týmasy. Almaty zootehnikalyq-mal dárigerlik institýtynda bilim alyp, ǵylymi eńbekter jazǵan. Qarakól qoiy qozysynyń erekshe tústi eltirisin alý jolyn usynǵan. Túrli jyldary spirt zaýyty, shoshqa fermasy, qus tsehy boldy. Qazirgi kezde kópqabatty úi salyp jatyr.
