اقتٶبەلٸك كەسٸپكەر قۋاندىق ەلٸشەۆ ەكٸ جىل بۇرىن قالا ٸرگەسٸندەگٸ قورىمنان ورىن الىپ, زيرات باسىنا ٶزٸنٸڭ ەسكەرتكٸشٸن ورناتىپ قويعان, دەپ حابارلايدى Dalanews.kz.
“قازاقپارات” اگەنتتٸگٸنٸڭ مەلٸمەتٸنشە, اقتٶبە قالاسى كٸرپٸشتٸ تۇرعىن الابى ماڭىندا ٷلكەن قورىم بار. مۇندا قازاقتارمەن قاتار ٶزگە ەتنوس ٶكٸلدەرٸ دە جەرلەنگەن. كٸرەبەرٸستٸڭ سول جاق بٶلٸگٸندە ورنالاسقان ەلٸشەۆتٸڭ ەسكەرتكٸش مٷسٸنٸ 2022 جىلى سالىنعان.
“ٶزٸنٸڭ ەسكەرتكٸشٸن 2022 جىلدان باستاپ بار بولعانى 2-3 ايدا گرانيت تاستان ٶز ەسكەرتكٸشٸن قۇيدى. بٸراق, زيراتتا ساتىلمايدى”, - دەدٸ كٸرپٸشتٸ تۇرعىن الابىنداعى ورىس زيراتىنىڭ ەكٸمشٸسٸ سەبيت دٷيسەنوۆ.
ونىڭ ايتۋىنشا, زيراتتاعى جەر تەلٸمٸ تەگٸن بەرٸلگەن, بٸراق, قابٸر قازۋ ٷشٸن , 90 مىڭ تەڭگە تٶلەۋ كەرەك.
ال, كٶزٸ تٸرٸ كەسٸپكەر زيراتىنىڭ وڭ جاعىنا “باقىتتى ٶمٸردٸڭ بەلگٸسٸ: ابىروي, بالا-ۇرپاقتارىڭ”, ال سول جاعىنا “تىنىمسىز ٸزدەنۋ, مازاسىز تٸرلٸك - مۇراتىڭ” دەپ جازدىرعان.
“مەن 86 جاستامىن. وسىدان ەكٸ جىل بۇرىن قاڭتاردا قۇلاپ, بەلٸم سىنىپ قالىپ, جاتتىم. سول كەزدە ٶز بالالارىمداي بولعان باستىقتار كەلٸپ, دەنساۋلىعىمدى سۇرادى. “اعالارىڭنىڭ ٶلٸپ قالاتىن تٷرٸ بار, جٷرە المايدى. الماتىدا بالالارىم, ٸنٸلەرٸم, جاقىن دوستارىم كٶپ. جەر بەرسەڭدەر, سولار بارلىعىن جاساپ بەرەدٸ” دەپ ايتتىم. ال زيراتتىڭ ورنىن قىردىڭ ٷستٸنەن ٶزٸم تاڭداپ الدىم. جەر بەرگەن كٸسٸلەردٸ كٸنەلايتىن ەشتەڭە جوق. سۇراعان مەن كٸنەلٸ. مەن سالدىم”, - دەدٸ كەسٸپكەر قۋاندىق ەلٸشەۆ.
“قازاقپاراتتىڭ” حابارلاۋىنشا, قۋاندىق ەلٸشەۆ – اقتٶبە وبلىسى تەمٸر اۋدانىنىڭ تۋماسى. الماتى زووتەحنيكالىق-مال دەرٸگەرلٸك ينستيتۋتىندا بٸلٸم الىپ, عىلىمي ەڭبەكتەر جازعان. قاراكٶل قويى قوزىسىنىڭ ەرەكشە تٷستٸ ەلتٸرٸسٸن الۋ جولىن ۇسىنعان. تٷرلٸ جىلدارى سپيرت زاۋىتى, شوشقا فەرماسى, قۇس تسەحى بولدى. قازٸرگٸ كەزدە كٶپقاباتتى ٷي سالىپ جاتىر.
