«SaryarqaAvtoProm» JShS - Qostanaidaǵy iri kásiporyndardyń biri. Indýstriialandyrý baǵdarlamasy aiasynda munda jańa óndiris - CKD-qurastyrý ádisimen NOMAD modelimen Ssang Yong avtomobilderin shyǵarý iske qosyldy.
Kásiporyndy aralaý kezinde Kárim Másimov shyǵarylatyn ónim jelisimen, onyń ishinde otandyq elektromobilderdiń shyǵarylýymen tanysty.
Avtomobil óndirisi aimaq ekonomikasynyń damýyna zor úlesin qosyp otyrǵanyn aita ketken jón. Naq osy salaǵa jalpy aimaq óniminiń 11,3% tiesili.
Aldaǵy ýaqytta JAC avtomobilderiniń shanaqtaryn dánekerleý jelisin ornatý josparlanýda.
Premer-Ministrge avtoquraýshytar shyǵaratyn indýstriialdyq aimaq tanystyryldy.
Kompaniialar tobynyń quramyna «SaryarqaAvtoProm» kiretin AllurGroup direktorlar keńesiniń tóraǵasy Andrei Lavrentev avtokontsernniń óndiristi keńeitý boiynsha jospary týraly baiandady.
Kásipkerdiń aitýynsha, qazirgi kezde AllurGroup CMC qytai korporatsiiasymen yntymaqtastyq máselelerin pysyqtap jatyr. Taraptar birlesken óndiris quryp, bolashaqta shyǵarylatyn avtomobilderdi shetelderge eksporttaýdy kózdeýde.
Biznesmen sondai-aq bul iske memlekettik demeý qarjynyń qajet emestigin, onyń taza kommertsiialyq joba ekenin atap ótti. Alaida Lavrentev qytailyq seriktes úshin investitsiialyq preferentsiialardy saqtaý qajettigin aitty. Bul jobany ekonomikalyq turǵydan tartymdy ete túspek.
Sonymen qatar Kárim Másimov aýyl sharýashylyǵy tehnikasyn qurastyratyn tseh jumysymen tanysty. «SaryarqaAvtoProm» bazasynda astyq jinaityn zamanaýi Essil jáne New Holland kombaindary shyǵarylady. Elimiz boiynsha bul tehnikalarǵa qyzmet kórsetýmen jáne jóndeýmen ainalysatyn segiz filial jumys isteýde.
Derekkózi: baq.kz
