«سارىارقااۆتوپروم» جشس - قوستانايداعى ٸرٸ كەسٸپورىنداردىڭ بٸرٸ. يندۋسترييالاندىرۋ باعدارلاماسى اياسىندا مۇندا جاڭا ٶندٸرٸس - CكD-قۇراستىرۋ ەدٸسٸمەن NOMAD مودەلٸمەن Ssang Yong اۆتوموبيلدەرٸن شىعارۋ ٸسكە قوسىلدى.
كەسٸپورىندى ارالاۋ كەزٸندە كەرٸم مەسٸموۆ شىعارىلاتىن ٶنٸم جەلٸسٸمەن, ونىڭ ٸشٸندە وتاندىق ەلەكتروموبيلدەردٸڭ شىعارىلۋىمەن تانىستى.
اۆتوموبيل ٶندٸرٸسٸ ايماق ەكونوميكاسىنىڭ دامۋىنا زور ٷلەسٸن قوسىپ وتىرعانىن ايتا كەتكەن جٶن. ناق وسى سالاعا جالپى ايماق ٶنٸمٸنٸڭ 11,3% تيەسٸلٸ.
الداعى ۋاقىتتا JAC اۆتوموبيلدەرٸنٸڭ شاناقتارىن دەنەكەرلەۋ جەلٸسٸن ورناتۋ جوسپارلانۋدا.
پرەمەر-مينيسترگە اۆتوقۇراۋشىتار شىعاراتىن يندۋسترييالدىق ايماق تانىستىرىلدى.
كومپانييالار توبىنىڭ قۇرامىنا «سارىارقااۆتوپروم» كٸرەتٸن AllurGroup ديرەكتورلار كەڭەسٸنٸڭ تٶراعاسى اندرەي لاۆرەنتەۆ اۆتوكونتسەرننٸڭ ٶندٸرٸستٸ كەڭەيتۋ بويىنشا جوسپارى تۋرالى باياندادى.
كەسٸپكەردٸڭ ايتۋىنشا, قازٸرگٸ كەزدە AllurGroup CMC قىتاي كورپوراتسيياسىمەن ىنتىماقتاستىق مەسەلەلەرٸن پىسىقتاپ جاتىر. تاراپتار بٸرلەسكەن ٶندٸرٸس قۇرىپ, بولاشاقتا شىعارىلاتىن اۆتوموبيلدەردٸ شەتەلدەرگە ەكسپورتتاۋدى كٶزدەۋدە.
بيزنەسمەن سونداي-اق بۇل ٸسكە مەملەكەتتٸك دەمەۋ قارجىنىڭ قاجەت ەمەستٸگٸن, ونىڭ تازا كوممەرتسييالىق جوبا ەكەنٸن اتاپ ٶتتٸ. الايدا لاۆرەنتەۆ قىتايلىق سەرٸكتەس ٷشٸن ينۆەستيتسييالىق پرەفەرەنتسييالاردى ساقتاۋ قاجەتتٸگٸن ايتتى. بۇل جوبانى ەكونوميكالىق تۇرعىدان تارتىمدى ەتە تٷسپەك.
سونىمەن قاتار كەرٸم مەسٸموۆ اۋىل شارۋاشىلىعى تەحنيكاسىن قۇراستىراتىن تسەح جۇمىسىمەن تانىستى. «سارىارقااۆتوپروم» بازاسىندا استىق جينايتىن زاماناۋي Essil جەنە New Holland كومبايندارى شىعارىلادى. ەلٸمٸز بويىنشا بۇل تەحنيكالارعا قىزمەت كٶرسەتۋمەن جەنە جٶندەۋمەن اينالىساتىن سەگٸز فيليال جۇمىس ٸستەۋدە.
دەرەككٶزٸ: baq.kz
