Tailand astanasy Bangkokta ótken Futures Cup jastar týrnirinde qazaqstandyq boksshylar sátti óner kórsetip, birneshe júldege ie boldy. Bul týraly Qazaqstan Ulttyq olimpiada komiteti málimdedi, dep habarlaidy Dalanews.kz.
World Boxing uiymynyń qoldaýymen ótken jarystyń qorytyndysy boiynsha Qazaqstan quramasy tórt altyn, tórt kúmis jáne úsh qola medal jeńip aldy.
Keshki sessiiada qazaqstandyq sportshylar bir altyn jáne úsh kúmis júlde enshiledi.
70 kelige deiingi salmaq dárejesinde Beibarys Áshirbai finalda Qyrǵyzstan boksshysy Ahmadi Arvazdy jeńip, altyn medal ielendi.
Áielder arasynda 70 kelige deiingi salmaqta Kamila Ospanova finalda italiialyq Sara Skorranoǵa ese jiberip, kúmis medal aldy.
80 kelige deiingi salmaqta Timýr Taibekov sheshýshi jekpe-jekte grýziialyq David Mhittsadzeden jeńilip, kúmis júldeger atandy.
Al 90 keliden joǵary salmaqta Vladislav Samojonov finalda Ózbekstan ókili Islam Salihovqa jol berip, kúmis medal ielendi.
Buǵan deiin týrnirde qazaqstandyq boksshylardan Dosjan Jumaqan (60 kg deiin), Hamza Maqsatuly (75 kg deiin) jáne Aidana Ýbaidýllaqyzy (80 kg deiin) altyn medal jeńip alǵan bolatyn.
Sondai-aq Jalǵas Ótebekov (90 kg deiin) kúmis júldege qol jetkizdi.
Al qola medaldardy Aqnur Tursynǵali (57 kg deiin), Zarina Tolybai (75 kg deiin) jáne Nursultan Qystaýbai (85 kg deiin) jeńip aldy.
