Qazaqstandyq bloger Dasha Doshikke Reseide salyqtyq tekseris qaýpi tónip tur, dep habarlaidy Dalanews.kz.
Dasha Doshik degen laqap atpen tanymal bloger jáne ánshi Daria Perovaǵa qatysty Reseide salyqtyq tekseris júrgizilýi múmkin.
Mash arnasynyń aqparatyna súiensek, Qazaqstandyq infliýenser Reseide kontsertter ótkizip júrip, jergilikti salyq zańnamasyn ainalyp ótpek bolǵan.
Málimetke sáikes, Perova Reseidiń Federaldyq salyq qyzmetine tirkelmegen. Onyń ornyna barlyq uiymdastyrý máselelerin jeke kásipker retinde tirkelgen kómekshisi sheshedi.
Kómekshisi qoldanatyn jeńildetilgen salyq júiesiniń arqasynda tabysynan bar bolǵany 6% salyq tólenedi, al rezident emester úshin bul mólsherleme 30%-dy quraidy. Arna derekterine súiensek, bir kontserttiń quny 1,7 mln rýbldi quraidy.
Mash derekkózderine silteme jasaǵan salyq quqyǵy boiynsha sarapshylar mundai shemalardyń aýyr saldarǵa ákelýi múmkin ekenin atap ótedi.
Eger úsh jyl ishinde tólenbegen salyq somasy 2,7 mln rýblden asyp ketse, tiktokerge ákimshilik jaýapkershilikpen qatar, qylmystyq jaýapkershilik te júktelýi múmkin.
