قازاقستاندىق بلوگەر داشا دوشيككە رەسەيدە سالىقتىق تەكسەرىس ءقاۋپى ءتونىپ تۇر، دەپ حابارلايدى Dalanews.kz.
داشا دوشيك دەگەن لاقاپ اتپەن تانىمال بلوگەر جانە ءانشى داريا پەروۆاعا قاتىستى رەسەيدە سالىقتىق تەكسەرىس جۇرگىزىلۋى مۇمكىن.
Mash ارناسىنىڭ اقپاراتىنا سۇيەنسەك، قازاقستاندىق ينفليۋەنسەر رەسەيدە كونسەرتتەر وتكىزىپ ءجۇرىپ، جەرگىلىكتى سالىق زاڭناماسىن اينالىپ وتپەك بولعان.
مالىمەتكە سايكەس، پەروۆا رەسەيدىڭ فەدەرالدىق سالىق قىزمەتىنە تىركەلمەگەن. ونىڭ ورنىنا بارلىق ۇيىمداستىرۋ ماسەلەلەرىن جەكە كاسىپكەر رەتىندە تىركەلگەن كومەكشىسى شەشەدى.
كومەكشىسى قولداناتىن جەڭىلدەتىلگەن سالىق جۇيەسىنىڭ ارقاسىندا تابىسىنان بار بولعانى 6% سالىق تولەنەدى، ال رەزيدەنت ەمەستەر ءۇشىن بۇل مولشەرلەمە 30%-دى قۇرايدى. ارنا دەرەكتەرىنە سۇيەنسەك، ءبىر كونسەرتتىڭ قۇنى 1،7 ملن ءرۋبلدى قۇرايدى.
Mash دەرەككوزدەرىنە سىلتەمە جاساعان سالىق قۇقىعى بويىنشا ساراپشىلار مۇنداي سحەمالاردىڭ اۋىر سالدارعا اكەلۋى مۇمكىن ەكەنىن اتاپ وتەدى.
ەگەر ءۇش جىل ىشىندە تولەنبەگەن سالىق سوماسى 2،7 ملن رۋبلدەن اسىپ كەتسە، تيكتوكەرگە اكىمشىلىك جاۋاپكەرشىلىكپەن قاتار، قىلمىستىق جاۋاپكەرشىلىك تە جۇكتەلۋى مۇمكىن.
