Ádilet ministrligi úkimet otyrysynda qazaqstandyq oryndaýshylardyń avtorlyq quqyqtaryn qorǵaý úshin arnaiy platforma qurýdy usyndy, dep habarlaidy Dalanews.kz.
«2024 jyldyń kúzinde qazaqstandyq mýzykanyń Meta platformalarynan joǵalyp ketýi ujymdyq basqarý salasyndaǵy olqylyqtardy kórsetti. Kóptegen tanymal avtor men oryndaýshylar óz eńbekteriniń paidalanylýy úshin tiisti syiaqy almaǵandaryn málimdedi», – dep atap ótti ádilet ministri Erlan Sársembaev.
Ministrlik avtorlar men quqyq ielerine óz shyǵarmalarynyń qoldanylýyn qadaǵalaýǵa múmkindik beretin tsifrlyq júie qurýdy josparlap otyr. Bul júie kelisimshart jasaý, roialti jinaý, bólý jáne tólem jasaý protsesterin onlain baqylaýǵa múmkindik beredi.
«Jalpy, tsifrlyq platformany jasandy intellekt elementterimen engizý máselesi qarastyrylýda. Bul júie memlekettik reestrge engizilgen obektiler boiynsha taldaý jáne esep berý, intellektýaldyq menshik nysandaryn izdeý júiesin jetildirý, avtorlar men quqyq ielenýshilerge arnalǵan mobildi qosymsha ázirleý, sondai-aq memlekettik organdar men halyqaralyq uiymdardyń aqparattyq júielerimen integratsiiany keńeitýdi qamtidy», – dep málimdedi ministr.
Eske salaiyq, byltyr qarashada Instagram jelisinen qazaqstandyq ánder joǵalyp ketken bolatyn. Meta olardyń KazAK-pen (Qazaqstan avtorlar qoǵamy) seriktestik kelisimi uzartylmaǵanyn, sondyqtan KazAK quqyqtaryn saqtaityn barlyq kontent ýaqytsha joiylǵanyn habarlady.
KazAK-tyń kez kelgen áni qazir Facebook pen Instagram jelisindegi Reels jáne Stories bólimderinde qoljetimsiz. Jaýapta "KazAK usynǵan ánder paidalanýshy kontentti olar ózderi óshirýi nemese buǵattaýy múmkin" delingen.
