Qazaqstandy "Qazaq respýblikasy" dep ataý kerek
Perýashev bul týraly 23 qańtarda májiliste premer-ministr Baqytjan Saǵyntaevtyń atyna "Aq jol" partiiasy fraktsiiasynyń atynan depýtattyq saýal joldady.
Perýashev saýalynda 2020 jyly SSSR quramynda Qazaq Respýblikasynyń qurylǵanyna 100 jyl tolatynyn aityp, bul datany "laiyqty atap ótýge" shaqyrdy. Ol buǵan qosa Qazaqstan ataýymen qatar resmi túrde qoldaný úshin "Qazaq Respýblikasy" degen ataýdy qaita qoldanysqa engizý máselesin qarastyrýdy usyndy.
Onyń sózinshe, bul bastamany bes jyl buryn prezident Nursultan Nazarbaev kótergen jáne ony iske asyratyn ýaqyt jetti.
"Qarany - qara, aqty - aq, qazaqty - qazaq dep, ár nárseni óz atymen ataý kerek. Respýblikaǵa tipti totalitarlyq bilik moiyndaǵan "Qazaq" ataýyn qaitarsaq tarihi ádilettilik qaita ornap qana qoimaidy, ol eldegi barlyq ulttyń dostyǵy men birligine dem beredi" dedi Azat Perýashev.
Májilis jiynynan soń jýrnalister saýaldaryna jaýap bergen depýtat "Qazaq Respýblikasy" degen sózdi Qazaqstan ataýymen birdei qoldaný kerek ekenin aitty.
Derekkóz: Azattyq radiosy
