پەرۋاشيەۆ بۇل تۋرالى 23 قاڭتاردا ماجىلىستە پرەمەر-مينيستر باقىتجان ساعىنتايەۆتىڭ اتىنا "اق جول" پارتياسى فراكسياسىنىڭ اتىنان دەپۋتاتتىق ساۋال جولدادى.
پەرۋاشيەۆ ساۋالىندا 2020 جىلى سسسر قۇرامىندا قازاق رەسپۋبليكاسىنىڭ قۇرىلعانىنا 100 جىل تولاتىنىن ايتىپ، بۇل داتانى "لايىقتى اتاپ وتۋگە" شاقىردى. ول بۇعان قوسا قازاقستان اتاۋىمەن قاتار رەسمي تۇردە قولدانۋ ءۇشىن "قازاق رەسپۋبليكاسى" دەگەن اتاۋدى قايتا قولدانىسقا ەنگىزۋ ماسەلەسىن قاراستىرۋدى ۇسىندى.
ونىڭ سوزىنشە، بۇل باستامانى بەس جىل بۇرىن پرەزيدەنت نۇرسۇلتان نازاربايەۆ كوتەرگەن جانە ونى ىسكە اسىراتىن ۋاقىت جەتتى.
"قارانى - قارا، اقتى - اق، قازاقتى - قازاق دەپ، ءار نارسەنى ءوز اتىمەن اتاۋ كەرەك. رەسپۋبليكاعا ءتىپتى توتاليتارلىق بيلىك مويىنداعان "قازاق" اتاۋىن قايتارساق تاريحي ادىلەتتىلىك قايتا ورناپ قانا قويمايدى، ول ەلدەگى بارلىق ۇلتتىڭ دوستىعى مەن بىرلىگىنە دەم بەرەدى" دەدى ازات پەرۋاشيەۆ.
ءماجىلىس جيىنىنان سوڭ جۋرناليستەر ساۋالدارىنا جاۋاپ بەرگەن دەپۋتات "قازاق رەسپۋبليكاسى" دەگەن ءسوزدى قازاقستان اتاۋىمەن بىردەي قولدانۋ كەرەك ەكەنىن ايتتى.
دەرەككوز: ازاتتىق راديوسى
