"Qazaqstandaǵy qaýipsiz qoǵamdastyqtar» atty forým bastaldy
Atalǵan forým Qazaqstandaǵy politsiia reformasyn qoldaý jónindegi EQYU /Eýropadaǵy qaýipsizdik jáne yntymaqtastyq uiymy/ jobasynyń bir bóligi bolyp tabylady. Basty taqyryby- elimizde servistik politsiia qurýdyń erekshelikteri jáne Qazaqstanda ornyqty jáne qaýipsiz qoǵamdastyqtar qurý úshin memlekettik organdardyń, biznes-qoǵamdastyq pen azamattardyń kúsh-jigerin biriktirý. Forým jumysyn Ishki ister ministri, politsiia genera-leitenanty Erlan Zamanbekuly Turǵymbaev ashyp, qatysýshylarǵa quttyqtaý sózin joldady.
Jiynda sondai-aq, Eýropadaǵy qaýipsizdik jáne yntymaqtastyq uiymynyń ókilderi, qazaqstandyq ishki ister salasynyń ókilderi baiandama jasap, servistik politsiia reformasynyń qyr-syryna toqtaldy. Túrli usynystar men saraptamalyq oilar aityldy. Al, Maqan Esbolatov atyndaǵy Akademiianyń bastyǵy, politsiia polkovnigi Aidar Mutálikuly Saitbekov «Qazirgi tańdaǵy politsiianyń servistik modeline kóshýdegi ózektilik» taqyrybynda baiandama jasady. Baiandamada «Álemdik tájiribede servistik politsiiany qurýdaǵy negizgi maqsat – ol aldyn-ala qylmysty eskertý jáne zertteý, qoǵamdyq tártipti baqylaý, sondai-aq qylmysty ashýdan buryn onyń aldyn alý, azamattardyń politsiiaǵa aitqan ótinishteri boiynsha olarǵa kómek kórsetý, qylmysty quryqtaýdan buryn, onyń aldyn alý mańyzdy» dei kele menedjment kadrlaryn daiarlaýdyń sheteldik onyń ishinde
Ulybritaniia, Resei Federatsiiasy syndy memleketterdiń tájiribesin zerdelep, IIM Almaty Akademiiasynda 2021 jyldyń 29-naýryzynan bastap, IIO nyń basshy quramdaryn daiarlaýǵa arnalǵan №1 fakýltet negizinde joǵary shendi basshy quram men №2 orta basshy quramdy oqytatyn 3-ai merzimge arnalǵan kúndizgi oqý nysanymen basqarý kadrlaryn daiarlaýdaǵy basym baǵyttardyń biri – qoǵammen jumys isteý tásilderin úiretýge basym baǵytta kóńil bólingenin jáne bul jumystardyń aldaǵy ýaqytta da jalǵasa beretinin aitty. Halyqaralyq deńgeide ótip jatqan forým «Servistik politsiia modeli» tujyrymdamasynyń basty ideiasy negizinde – qoǵammen ashyq seriktestik qatynastardy qurý, adamdardyń qajettilik qundylyqtaryna nazar aýdarý sekildi máselelerge de nazar aýdardy.
Forým jumysy áli jalǵasýda. Ol aiaqtalǵan soń tiisti qarar qabyldanady dep kútilýde.
