اتالعان فورۋم قازاقستانداعى پوليسيا رەفورماسىن قولداۋ جونىندەگى ەقىۇ /ەۋروپاداعى قاۋىپسىزدىك جانە ىنتىماقتاستىق ۇيىمى/ جوباسىنىڭ ءبىر بولىگى بولىپ تابىلادى. باستى تاقىرىبى- ەلىمىزدە سەرۆيستىك پوليسيا قۇرۋدىڭ ەرەكشەلىكتەرى جانە قازاقستاندا ورنىقتى جانە ءقاۋىپسىز قوعامداستىقتار قۇرۋ ءۇشىن مەملەكەتتىك ورگانداردىڭ، بيزنەس-قوعامداستىق پەن ازاماتتاردىڭ كۇش-جىگەرىن بىرىكتىرۋ. فورۋم جۇمىسىن ىشكى ىستەر ءمينيسترى، پوليسيا گەنەرا-لەيتەنانتى ەرلان زامانبەك ۇلى تۇرعىمبايەۆ اشىپ، قاتىسۋشىلارعا قۇتتىقتاۋ ءسوزىن جولدادى.
جيىندا سونداي-اق، ەۋروپاداعى قاۋىپسىزدىك جانە ىنتىماقتاستىق ۇيىمىنىڭ وكىلدەرى، قازاقستاندىق ىشكى ىستەر سالاسىنىڭ وكىلدەرى بايانداما جاساپ، سەرۆيستىك پوليسيا رەفورماسىنىڭ قىر-سىرىنا توقتالدى. ءتۇرلى ۇسىنىستار مەن ساراپتامالىق ويلار ايتىلدى. ال، ماقان ەسبولاتوۆ اتىنداعى اكادەميانىڭ باستىعى، پوليسيا پولكوۆنيگى ايدار مۇتالىك ۇلى سايتبەكوۆ «قازىرگى تاڭداعى پوليسيانىڭ سەرۆيستىك مودەلىنە كوشۋدەگى وزەكتىلىك» تاقىرىبىندا بايانداما جاسادى. باياندامادا «الەمدىك تاجىريبەدە سەرۆيستىك پوليسيانى قۇرۋداعى نەگىزگى ماقسات – ول الدىن-الا قىلمىستى ەسكەرتۋ جانە زەرتتەۋ، قوعامدىق ءتارتىپتى باقىلاۋ، سونداي-اق قىلمىستى اشۋدان بۇرىن ونىڭ الدىن الۋ، ازاماتتاردىڭ پوليسياعا ايتقان وتىنىشتەرى بويىنشا ولارعا كومەك كورسەتۋ، قىلمىستى قۇرىقتاۋدان بۇرىن، ونىڭ الدىن الۋ ماڭىزدى» دەي كەلە مەنەدجمەنت كادرلارىن دايارلاۋدىڭ شەتەلدىك ونىڭ ىشىندە
ۇلىبريتانيا، رەسەي فەدەراسياسى سىندى مەملەكەتتەردىڭ تاجىريبەسىن زەردەلەپ، ءىىم الماتى اكادەمياسىندا 2021 جىلدىڭ 29-ناۋرىزىنان باستاپ، ءىىو نىڭ باسشى قۇرامدارىن دايارلاۋعا ارنالعان №1 فاكۋلتەت نەگىزىندە جوعارى شەندى باسشى قۇرام مەن №2 ورتا باسشى قۇرامدى وقىتاتىن 3-اي مەرزىمگە ارنالعان كۇندىزگى وقۋ نىسانىمەن باسقارۋ كادرلارىن دايارلاۋداعى باسىم باعىتتاردىڭ ءبىرى – قوعاممەن جۇمىس ىستەۋ تاسىلدەرىن ۇيرەتۋگە باسىم باعىتتا كوڭىل بولىنگەنىن جانە بۇل جۇمىستاردىڭ الداعى ۋاقىتتا دا جالعاسا بەرەتىنىن ايتتى. حالىقارالىق دەڭگەيدە ءوتىپ جاتقان فورۋم «سەرۆيستىك پوليسيا مودەلى» تۇجىرىمداماسىنىڭ باستى يدەياسى نەگىزىندە – قوعاممەن اشىق سەرىكتەستىك قاتىناستاردى قۇرۋ، ادامداردىڭ قاجەتتىلىك قۇندىلىقتارىنا نازار اۋدارۋ سەكىلدى ماسەلەلەرگە دە نازار اۋداردى.
فورۋم جۇمىسى ءالى جالعاسۋدا. ول اياقتالعان سوڭ ءتيىستى قارار قابىلدانادى دەپ كۇتىلۋدە.
