Dinara jáne Timýr Qulybaevtardyń Qazaqstan men Eýropada qandai sarailary bary belgili boldy, - dep habarlaidy Dalanews.kz.
«Azattyq radiosy» osy taqyryp tóńireginde zertteý júrgizgen. Eń birinshisi – Qulybaevtardyń Ispaniiadaǵy «Aq sarailary». Ǵimarat Barselonadan 80 shaqyrym jerde, Jerorta teńiziniń jaǵalaýynda ornalasqan qymbat múlik. Qulybaev ony Singapýrde tirkelgen kompaniia arqyly satyp alǵan.
Sonymen qatar, Timýr Qulybaev Shveitsariia men Jenevadaǵy múlik iesi. Úsh qabat ty villa 72 million dollarǵa satyp alynǵan, jalpy aýmaǵy 7960 sharshy metr.
Ekinshisi – syrty taspen kómkerilgen, Shveitsariianyń ulttyq mańyzy bar mádeni murasy sanalatyn Bel Rif qamaly. Múliktiń 2020 jylǵy baǵasy 113 million dollar. Eki múliktiń de iesi Dinara Qulybaeva.
Al Londondaǵy sarailaryn Qulybaev 2007 jyly Liýksembýrgte tirkelgen kompaniiasy arqyly satyp alǵan. Múliktiń sol kezdegi quny – shamamen 30 million dollar. Bir qyzyǵy bul úidi Ulybritaniia patshaiymy II Elizaveta Endriý Hanzadanyń úilený toiyna syi retinde bergen.
Eski ǵimaratty Timýr Qulybaev 2016 jyly súrip tastap, ornyna jańasyn salýǵa kirisken. Qurylys áli júrip jatyr degen derekter bar.
Qulybaevtardyń kezekti saraiy – Chehiianyń kýrortty Karlovy Vary aimaǵyndaǵy besqabatty tarihi ǵimarat memleket qorǵaýyndaǵy tabiǵi qoryqta ornalasqan. 2017 jyly quny 1,4 million dollar bolǵan.
Qulybaevtardyń Qazaqstanda da sarailary bar. Mysaly Almatydaǵy Prezident saiabaǵynyń joǵary jaǵynda ornalasqan úsh múlik Dinara Qulybaevaǵa tiesili.
Qulybaevtardyń Astanada da záýlim sarailary bar.
Sýretter: Azattyq Radiosynan
