دينارا جەنە تيمۋر قۇلىباەۆتاردىڭ قازاقستان مەن ەۋروپادا قانداي سارايلارى بارى بەلگٸلٸ بولدى, - دەپ حابارلايدى Dalanews.kz.
«ازاتتىق راديوسى» وسى تاقىرىپ تٶڭٸرەگٸندە زەرتتەۋ جٷرگٸزگەن. ەڭ بٸرٸنشٸسٸ – قۇلىباەۆتاردىڭ يسپانيياداعى «اق سارايلارى». عيمارات بارسەلونادان 80 شاقىرىم جەردە, جەرورتا تەڭٸزٸنٸڭ جاعالاۋىندا ورنالاسقان قىمبات مٷلٸك. قۇلىباەۆ ونى سينگاپۋردە تٸركەلگەن كومپانييا ارقىلى ساتىپ العان.
سونىمەن قاتار, تيمۋر قۇلىباەۆ شۆەيتسارييا مەن جەنەۆاداعى مٷلٸك يەسٸ. ٷش قابات تى ۆيللا 72 ميلليون دوللارعا ساتىپ الىنعان, جالپى اۋماعى 7960 شارشى مەتر.
ەكٸنشٸسٸ – سىرتى تاسپەن كٶمكەرٸلگەن, شۆەيتسارييانىڭ ۇلتتىق ماڭىزى بار مەدەني مۇراسى سانالاتىن بەل ريف قامالى. مٷلٸكتٸڭ 2020 جىلعى باعاسى 113 ميلليون دوللار. ەكٸ مٷلٸكتٸڭ دە يەسٸ دينارا قۇلىباەۆا.
ال لوندونداعى سارايلارىن قۇلىباەۆ 2007 جىلى ليۋكسەمبۋرگتە تٸركەلگەن كومپانيياسى ارقىلى ساتىپ العان. مٷلٸكتٸڭ سول كەزدەگٸ قۇنى – شامامەن 30 ميلليون دوللار. بٸر قىزىعى بۇل ٷيدٸ ۇلىبريتانييا پاتشايىمى ٸٸ ەليزاۆەتا ەندريۋ حانزادانىڭ ٷيلەنۋ تويىنا سىي رەتٸندە بەرگەن.
ەسكٸ عيماراتتى تيمۋر قۇلىباەۆ 2016 جىلى سٷرٸپ تاستاپ, ورنىنا جاڭاسىن سالۋعا كٸرٸسكەن. قۇرىلىس ەلٸ جٷرٸپ جاتىر دەگەن دەرەكتەر بار.
قۇلىباەۆتاردىڭ كەزەكتٸ سارايى – چەحييانىڭ كۋرورتتى كارلوۆى ۆارى ايماعىنداعى بەسقاباتتى تاريحي عيمارات مەملەكەت قورعاۋىنداعى تابيعي قورىقتا ورنالاسقان. 2017 جىلى قۇنى 1,4 ميلليون دوللار بولعان.
قۇلىباەۆتاردىڭ قازاقستاندا دا سارايلارى بار. مىسالى الماتىداعى پرەزيدەنت ساياباعىنىڭ جوعارى جاعىندا ورنالاسقان ٷش مٷلٸك دينارا قۇلىباەۆاعا تيەسٸلٸ.
قۇلىباەۆتاردىڭ استانادا دا زەۋلٸم سارايلارى بار.
سۋرەتتەر: ازاتتىق راديوسىنان
