Amerikalyq Forbes jýrnaly álemdegi eń bai adamdaryń tizimin jariialady. Olardyń ishinde AQSh jáne Qytai azamattary jeterlik. Bul tizimge Qazaqstannan elimizdegi №1 eń bai adam – Timýr Turlov ta júr. Ol álemdegi eń aýqatty 500 adam qataryna enip, dál qazirgi ýaqytta tizimde 463-orynǵa ornyqqan. Kúni keshe elimizdegi eń bai adamdar kóshbasyndaǵy Viacheslava Kimdi ekinshi orynǵa yǵystyrǵan Turlov, tipti qazirgi AQSh prezidenti Donald Tramptan da áldeqaida bai bolyp shyqty, dep habarlaidy Dalanews.kz.
Bul arada amerikalyq Forbes jýrnaldyń bailardyń bailyǵyn naqty rejimde baǵalaitynyn basa aita ketelik. Sondyqtan tizimdegi tsifr arakidik ózgerip otyrady.
Freedom aktsiialarynyń ósiminiń arqasynda búgingi tańda kapitalyn taǵy 2,26%, al bir apta ishinde 10,7% , bir aida 30%, al bir jylda 134% arttyrdy.
Freedom holdingtiń basshysy jáne aktsioneri Timýr Turlov amerikalyq Forbes jýrnalynyń baǵalaýy boiynsha eń bai qazaqstandyqtardyń biri sanalady. Ári ol kúni keshe kóp ýaqytqa deiin Qazaqstandaǵy eń bai adamdar tiziminde kósh bastap turǵan Viacheslava Kimdi ekinshi orynǵa yǵystyrdy.
Qazirgi ýaqytta Turlovtyń bailyǵy 7,2 mlrd dollarǵa, al Kaspi-diń teń qojaiyny Viacheslav Kimdigi 7,1 mlrd dollarǵa baǵalanady. Birneshe kún buryn ǵana kásipkerdiń bailyǵy 5,8 milliard dollar bolǵan edi.
Bir qyzyǵy, álemdegi eń bai adamdar tiziminde 463-orynǵa jaiǵasqan Timýr Turlov qazirgi AQSh prezidentinen de áldeqaida bai bolyp shyqty. Donald Tramp bul tizimde 5,5 mldr dollar bailyǵymen 649-orynda tur.
