Atom energetikasy jónindegi agenttigi Qazaqstandaǵy alǵashqy atom stantsiiasynyń qurylysy qashan aiaqtalýy múmkin ekenin aitty, dep habarlaidy Dalanews.kz.
Agenttiktiń málimetinshe, álemdik tájiribe kórsetkendei, atom elektr stantsiiasyn jobalaý, salý jáne paidalanýǵa berý merzimi 10-12 jyldy quraidy.
"Osy jaǵynan alǵanda, AES qurylysyn aiaqtaýdyń boljamdy merzimi - 2035-2036 jyldar. "Rosatom" MK osy josparǵa súienetinderin rastady", - dep habarlady Atom energetikasy jónindegi agenttigi.
Sonymen qatar, vedomstvo jobanyń quny týraly málimet usyna almaityndaryn da jetkizdi.
"Joba qunyna keletin bolsaq, básekelestik dialog aiasynda "Rosatom" usynǵan indikativti qundy biz qazirgi ýaqytta ashyp aita almaimyz, óitkeni bul kommertsiialyq másele jáne biz ony jariia etpeimiz dep jaýapkershilik alǵanbyz. Jobanyń sońǵy quny týraly aitýǵa áli erte. Túpkilikti qun jobalaý jumystary aiaqtalyp, ol saraptamadan ótken soń aiqyndalatyn bolady",- dep atap ótti agenttiktiń baspasóz qyzmeti.
