Qazaqstandaǵy alǵashqy atom elektr stansıasyna ataý berý konkýrsyna bir táýliktiń ishinde eGov Mobile qosymshasy arqyly 9945 usynys joldanǵan. Bul týraly QR Atom energıasy agenttiginiń baspasóz qyzmeti málimdedi, dep habarlaıdy Dalanews.kz.
«25 qyrkúıek saǵat 12:00-den 26 qyrkúıek saǵat 12:00-ge deıin eGov Mobile qosymshasy arqyly Qazaqstandaǵy alǵashqy atom elektr stansıasyna ataý berýge 9945 usynys tústi», – dep naqtylady agenttik.
Uıymdastyrýshylardyń aıtýynsha, bastamanyń maqsaty – bolashaq stansıaǵa tarıhı, mádenı jáne ulttyq mańyzy bar ataýdy tańdaý.
Konkýrsqa qatysý úshin kez kelgen qazaqstandyq myna qadamdardy oryndaı alady:
-
tildi tańdaý (qazaq nemese orys);
-
óz ataý nusqasyn engizý;
-
qajet bolǵan jaǵdaıda ataýdyń mánin qysqasha túsindirý;
-
resmı erejelermen tanysqanyn rastaý.
Usynystardy qabyldaý 10 qazan kúni saǵat 23:59-ǵa deıin jalǵasady. Baıqaý erejelerimen QR Atom energıasy agenttiginiń resmı saıtynda jáne áleýmettik jelilerdegi paraqshalarynan tanysýǵa bolady.
Uıymdastyrýshylar barlyq azamattardy energetıka tarıhyna óz úlesin qosyp, Qazaqstannyń alǵashqy atom elektr stansıasyna laıyqty ataý usynýǵa shaqyrady.
