Qazaqstannyń jergilikti mańyzy bar joldarynda biyl 251 adam jol apatynan qaza tapqan. Qaiǵyly jaǵdailardyń 90 paiyzy Túrkistan, Almaty jáne Jambyl oblystaryna tiesili, dep habarlaidy dalanews.kz.
Ishki ister ministrliginiń málimetinshe, jergilikti mańyzy bar joldar ákimdikterdiń quzyretine jatady.
Bul joldardaǵy negizgi sebepterdiń qatarynda kólikterdiń mańdaisha soqtyǵysýy, kedergiler men janýarlardy qaǵý, sondai-aq kóliktiń aýdarylýy bar.
Ministrlik Túrkistan, Almaty jáne Jambyl oblystaryndaǵy jaǵdaidy erekshe atap ótti.
Óńir ákimdikterine jol qorshaýlaryn jáne jol belgilerin ornatý, jol jiegin qaýipsiz etý, shuńqyrlar men oiyqtardy joiý boiynsha sharalar qabyldaý tapsyryldy.
Sonymen qatar eldi mekenderdegi jol infraqurylymynyń jaǵdaiy da alańdatyp otyr. Barlyq jol-kólik oqiǵalarynyń 80 paiyzy jáne qaza bolǵandardyń úshten biri eldi mekenderde tirkeledi.
IIM negizgi problemalardyń biri jaiaý júrginshiler ótkelderiniń, jaryqtandyrýdyń jáne trotýarlardyń jetkiliksizdigi ekenin atap ótti.
