Otbasy bank zeinetaqy jinaqtarynyń artyq bóligin ipotekany ishinara óteýge paidalaný tártibindegi ózgeristerdi túsindirdi, dep habarlaidy Dalanews.kz.
Atap aitqanda, turǵyn úi jaǵdaiyn jaqsartý maqsatynda beriletin birjolǵy zeinetaqy tólemderin (BZT) paidalaný qaǵidalaryna túzetýler engizilgen. Ózgerister zeinetaqy artyq qarajatyn jumsaýǵa bolatyn maqsattarǵa qatysty. Buǵan deiin bul qarajatty Otbasy banktegi qaryzdy ishinara nemese tolyq óteýge qoldanýǵa bolatyn. Atalǵan múmkindik qazaqstandyqtarǵa ipoteka boiynsha ai saiynǵy tólemdi jabýǵa kómektesken edi.
Alaida jańa redaktsiiada erejelerdegi «qaryzdyq bereshek» uǵymy «negizgi qaryz» terminine aýystyryldy.
Bul degenimiz, endi zeinetaqy artyq qarajaty esebinen nesie boiynsha ishinara nemese tolyq merziminen buryn óteý kezinde tek negizgi qaryzdy ǵana jabýǵa bolady. Buryn «bereshek» uǵymyna kiretin ai saiynǵy tólemdi tolyǵymen BZT arqyly óteý múmkindigi endi qarastyrylmaidy.
Ipotekalyq nesie boiynsha paiyzdar men ai saiynǵy tólem quramyna kiretin ózge de qosymsha shyǵyndardy qaryz alýshy óz qarajaty esebinen tóleýi tiis.
Osy ózgeriske bailanysty Otbasy banktegi qaryzdardy ishinara nemese tolyq óteý tetigin tehnikalyq turǵyda qaita beiimdeý qajet bolady. Bul belgili bir ýaqytty talap etetini habarlandy.
