وتباسى بانك زەينەتاقى جيناقتارىنىڭ ارتىق بٶلٸگٸن يپوتەكانى ٸشٸنارا ٶتەۋگە پايدالانۋ تەرتٸبٸندەگٸ ٶزگەرٸستەردٸ تٷسٸندٸردٸ, دەپ حابارلايدى Dalanews.kz.
اتاپ ايتقاندا, تۇرعىن ٷي جاعدايىن جاقسارتۋ ماقساتىندا بەرٸلەتٸن بٸرجولعى زەينەتاقى تٶلەمدەرٸن (بزت) پايدالانۋ قاعيدالارىنا تٷزەتۋلەر ەنگٸزٸلگەن. ٶزگەرٸستەر زەينەتاقى ارتىق قاراجاتىن جۇمساۋعا بولاتىن ماقساتتارعا قاتىستى. بۇعان دەيٸن بۇل قاراجاتتى وتباسى بانكتەگٸ قارىزدى ٸشٸنارا نەمەسە تولىق ٶتەۋگە قولدانۋعا بولاتىن. اتالعان مٷمكٸندٸك قازاقستاندىقتارعا يپوتەكا بويىنشا اي سايىنعى تٶلەمدٸ جابۋعا كٶمەكتەسكەن ەدٸ.
الايدا جاڭا رەداكتسييادا ەرەجەلەردەگٸ «قارىزدىق بەرەشەك» ۇعىمى «نەگٸزگٸ قارىز» تەرمينٸنە اۋىستىرىلدى.
بۇل دەگەنٸمٸز, ەندٸ زەينەتاقى ارتىق قاراجاتى ەسەبٸنەن نەسيە بويىنشا ٸشٸنارا نەمەسە تولىق مەرزٸمٸنەن بۇرىن ٶتەۋ كەزٸندە تەك نەگٸزگٸ قارىزدى عانا جابۋعا بولادى. بۇرىن «بەرەشەك» ۇعىمىنا كٸرەتٸن اي سايىنعى تٶلەمدٸ تولىعىمەن بزت ارقىلى ٶتەۋ مٷمكٸندٸگٸ ەندٸ قاراستىرىلمايدى.
يپوتەكالىق نەسيە بويىنشا پايىزدار مەن اي سايىنعى تٶلەم قۇرامىنا كٸرەتٸن ٶزگە دە قوسىمشا شىعىنداردى قارىز الۋشى ٶز قاراجاتى ەسەبٸنەن تٶلەۋٸ تيٸس.
وسى ٶزگەرٸسكە بايلانىستى وتباسى بانكتەگٸ قارىزداردى ٸشٸنارا نەمەسە تولىق ٶتەۋ تەتٸگٸن تەحنيكالىق تۇرعىدا قايتا بەيٸمدەۋ قاجەت بولادى. بۇل بەلگٸلٸ بٸر ۋاقىتتى تالاپ ەتەتٸنٸ حابارلاندى.
