Qazaqstandaǵy jer qoinaýyn paidalanýshy kompaniialardyń memleket aldyndaǵy bereshegi 17 mlrd teńge boldy. Bul týraly Energetika vitse-ministri Erlan Aqbarov málimdedi, dep habarlaidy dalanews.kz.
Onyń aitýynsha, búginge deiin 5,2 mlrd teńge óndirilip, qalǵan qaryzdy óteý jumystary jalǵasyp jatyr. Keibir kompaniialarǵa qatysty másele sot tártibimen qaralýda.
Vitse-ministrdiń sózinshe, atalǵan bereshek tek salyqqa qatysty emes. Qaryzdar jer qoinaýyn paidalaný týraly kelisimshart talaptarynyń oryndalmaýynan týyndaǵan.
Atap aitqanda, birqatar kompaniialar munai men gaz óndirý josparyn oryndamaǵan, qazaqstandyq taýarlar men qyzmetterdiń úlesin qamtamasyz etpegen, burǵylaý jumystaryn tolyq atqarmaǵan nemese ishki naryqty qajetti kólemde munai ónimderimen qamtamasyz etý mindettemesin oryndamaǵan.
