Qazaqstanda 2027 jyldan bastap munai ónimderin mindetti tańbalaýǵa jatatyn taýarlar tizimine engizý josparlanyp otyr. Bul týraly Saýda jáne integratsiia vitse-ministri Áset Núsipov málimdedi, dep habarlaidy dalanews.kz.
Qazir elde otyndy molekýlalyq tańbalaý boiynsha pilottyq joba júzege asyrylyp jatyr. Onyń aiasynda munai ónimderine arnaiy marker qosylady. Markerdiń bar-joǵyn mobildi taldaý qurylǵysynyń kómegimen anyqtaýǵa bolady.
Kóleńkeli naryqty anyqtaý maqsatynda mamandar 17 túrli taýar sanatyna taldaý júrgizgen. Nátijesinde munai ónimderiniń úlesi 37,3 paiyzdy quraǵan. Pilottyq joba 1 qyrkúiekte bastaldy. Qazir zerthanalarda qoldanylyp jatqan markerdiń avtokólikter úshin qaýipsizdigi tekserilýde.
Qazaqstanda taýarlardy tsifrlyq tańbalaý júiesi 2020 jyldan beri kezeń-kezeńimen engizilip keledi. Bul júie taýar ainalymynyń ashyqtyǵyn arttyryp, zańsyz importpen kúresýge múmkindik beredi.
Saýda ministrliginiń málimetinshe, 2024 jylǵy 1 shildeden beri tańbalaý júiesi dárihanalarda zańsyz satylǵan 26 myńnan astam tegin dári-dármek qaptamasyn anyqtaǵan. Nátijesinde 31 uiymǵa 12,3 mln teńge kóleminde aiyppul salynyp, taǵy 43 dárihanaǵa zańbuzýshylyqtardy joiý týraly nusqama berilgen.
