Úkimet otyrysynda premer-ministr Oljas Bektenov elde ornatylǵan barlyq kameranyń jumysyn tekserip shyǵýdy tapsyrdy, dep habarlaidy dalanews.kz.
Sondai-aq, Úkimet basshysy jaiaý júrginshilerge qatysty oqiǵalarǵa bólek toqtaldy. Joldy belgilenbegen jerden kesip ótetin adamdarǵa jaýapkershilikti qatańdatý tapsyryldy.
"Ákimdikterge osyndai ýchaskelerde beinetirkeý júielerin ornatý aýqymyn keńeitýdi tapsyramyn. Ásirese, bilim berý uiymdary mańynda keri sanaý tablosy bar zamanaýi baǵdarshamdar ornatýdy qamtamasyz etý qajet", - dep tapsyrdy Oljas Bektenov.
Premer-ministr jańadan kólik júrgize bastaǵandarǵa da erekshe nazar aýdarý qajet ekenin aitty. Kóbine olar jaǵdaidy jáne óz múmkindigin durys baǵalamaý, sondai-aq, jol erejelerin saqtamaý saldarynan jol apatyna ushyrap jatady.
