Túrkistan oblysy politsiia departamenti ekstremizmge qarsy is-qimyl basqarmasynyń qyzmetkerleri jedel aldyn alý sharalary aiasynda halyqaralyq izdeýde júrgen úsh shetel azamatyn anyqtady, - dep habarlaidy Dalanews.kz.
Tutqynǵa túsken sheteldiktiń biri – úsh jyl boiy halyqaralyq izdeýde júrgen Ózbekstan azamaty. 38 jastaǵy er azamat óz elinde qaraqshylyq shabýyl jasaǵany úshin sottalǵan. Ony politseiler Ordabasy aýdanynda qolǵa túsirdi. Sonymen qatar er adamnyń 2020 jyly túrmeden qashyp, keiin Qazaqstan shekarasyn zańsyz kesip ótkeni anyqtaldy.
Atalǵan fakti boiynsha oqiǵanyń tolyq mán-jaiy anyqtalyp jatyr.
Al ekinshi kúdikti EQIQB men kriminaldyq politsiia basqarmasy qyzmetkerleriniń, Saryaǵash politseilerimen birlesip júrgizilgen shara barysynda qolǵa tústi. 30 jastaǵy Ózbekstan azamatyna esirtki saqtaýmen bailanysty qylmys jasaǵany úshin Astana qalalyq politsiia departamenti tarapynan izdeý jariialanǵan.
Halyqaralyq izdeýde júrgen úshinshi adam - Resei azamaty. Ol Keles aýdanynda ustaldy. Jas jigitke 2022 jyldyń jeltoqsan aiynda kórshi elde izdeý jariialanyp, Qazaqstanda jasyrynyp júrgeni belgili boldy. Qazirgi tańda 21 jastaǵy shetel azamaty qamaýǵa alyndy. Endi olardy ekstraditsiialaý máselesi sheshilip jatyr.
