تۇركىستان وبلىسى پوليسيا دەپارتامەنتى ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى جەدەل الدىن الۋ شارالارى اياسىندا حالىقارالىق ىزدەۋدە جۇرگەن ءۇش شەتەل ازاماتىن انىقتادى، - دەپ حابارلايدى Dalanews.kz.
تۇتقىنعا تۇسكەن شەتەلدىكتىڭ ءبىرى – ءۇش جىل بويى حالىقارالىق ىزدەۋدە جۇرگەن وزبەكستان ازاماتى. 38 جاستاعى ەر ازامات ءوز ەلىندە قاراقشىلىق شابۋىل جاساعانى ءۇشىن سوتتالعان. ونى پوليسەيلەر ورداباسى اۋدانىندا قولعا ءتۇسىردى. سونىمەن قاتار ەر ادامنىڭ 2020 جىلى تۇرمەدەن قاشىپ، كەيىن قازاقستان شەكاراسىن زاڭسىز كەسىپ وتكەنى انىقتالدى.
اتالعان فاكتى بويىنشا وقيعانىڭ تولىق ءمان-جايى انىقتالىپ جاتىر.
ال ەكىنشى كۇدىكتى ەقىقب مەن كريمينالدىق پوليسيا باسقارماسى قىزمەتكەرلەرىنىڭ، سارىاعاش پوليسەيلەرىمەن بىرلەسىپ جۇرگىزىلگەن شارا بارىسىندا قولعا ءتۇستى. 30 جاستاعى وزبەكستان ازاماتىنا ەسىرتكى ساقتاۋمەن بايلانىستى قىلمىس جاساعانى ءۇشىن استانا قالالىق پوليسيا دەپارتامەنتى تاراپىنان ىزدەۋ جاريالانعان.
حالىقارالىق ىزدەۋدە جۇرگەن ءۇشىنشى ادام - رەسەي ازاماتى. ول كەلەس اۋدانىندا ۇستالدى. جاس جىگىتكە 2022 جىلدىڭ جەلتوقسان ايىندا كورشى ەلدە ىزدەۋ جاريالانىپ، قازاقستاندا جاسىرىنىپ جۇرگەنى بەلگىلى بولدى. قازىرگى تاڭدا 21 جاستاعى شەتەل ازاماتى قاماۋعا الىندى. ەندى ولاردى ەكستراديسيالاۋ ماسەلەسى شەشىلىپ جاتىر.
