2025 jylǵy 10-17 aqpan aralyǵynda Qazaqstanda Halyqaralyq balalar obyryna qarsy kúres kúnine arnalǵan habardarlyq aptalyǵy ótýde. Aktsiia sheńberinde búkil el boiynsha balalar obyry problemasy týraly bilimdi arttyrýǵa, patsientterdiń otbasylaryn qoldaýǵa jáne qoǵamnyń yntymaqtastyǵyn damytýǵa baǵyttalǵan aýqymdy aqparattyq naýqan uiymdastyryldy, - dep habarlaidy Dalanews.kz.
Ákimdikterdiń, QR Densaýlyq saqtaý ministrliginiń qoldaýymen qalalardyń ortalyq kóshelerinde, LED-ekrandarda, mediabordtarda jáne meditsinalyq uiymdarda erte diagnostikanyń mańyzdylyǵyna, emdeýdiń zamanaýi ádisterine jáne osy aýrýmen kúresetin balalardy áleýmettik qoldaý qajettiligine nazar aýdaratyn arnaiy beinerolikter taratylady.
Aktsiianyń maqsaty - qoǵamnyń nazaryn kishkentai patsientter men olardyń otbasylarynyń aldynda turǵan máselelerge aýdarý, sondai-aq ýaqtyly kómek pen habardarlyq kóptegen balalardyń ómirin saqtap qalýy múmkin ekenin eske salý.
«Biz aqparattandyrý ózgeristerge alǵashqy qadam dep sanaimyz. Bul apta balalar obyrymen kúrestiń mańyzdylyǵyn eske salyp qana qoimai, qoǵamnyń, dárigerler men memlekettik qurylymdardyń kúsh — jigerin bizdiń qoldaýymyzǵa muqtaj balalarǵa kómektesý úshin biriktirý múmkindigi bolyp tabylady», — dep atap ótti aktsiiany uiymdastyrýshylar.
15 aqpanda atap ótiletin Halyqaralyq balalar obyryna qarsy kúres kúni úmit pen birliktiń simvolyna ainaldy.
Qazaqstan bul jahandyq bastamaǵa eleýli úles qosyp, habardarlyq deńgeiin arttyrýǵa jáne adamdardy mańyzdy istiń ainalasyna biriktirýge kómektesedi.
«Help Today» QQ, «Pediatriia jáne balalar hirýrgiiasy ǵylymi ortalyǵy» AQ, «Qazaqstan pediatrlarynyń odaǵy» QB aktsiiasyn uiymdastyrýshylar barlyq qazaqstandyqtardy osy bastamany qoldaýǵa jáne balalarmen jáne olardyń otbasylarymen yntymaqtastyq bildirýge shaqyrady. Biz birge olarǵa salaýatty bolashaqqa múmkindik bere alamyz!
