2025 جىلعى 10-17 اقپان ارالىعىندا قازاقستاندا حالىقارالىق بالالار وبىرىنا قارسى كۇرەس كۇنىنە ارنالعان حاباردارلىق اپتالىعى وتۋدە. اكسيا شەڭبەرىندە بۇكىل ەل بويىنشا بالالار وبىرى پروبلەماسى تۋرالى ءبىلىمدى ارتتىرۋعا، پاسيەنتتەردىڭ وتباسىلارىن قولداۋعا جانە قوعامنىڭ ىنتىماقتاستىعىن دامىتۋعا باعىتتالعان اۋقىمدى اقپاراتتىق ناۋقان ۇيىمداستىرىلدى، - دەپ حابارلايدى Dalanews.kz.
اكىمدىكتەردىڭ، ق ر دەنساۋلىق ساقتاۋ مينيسترلىگىنىڭ قولداۋىمەن قالالاردىڭ ورتالىق كوشەلەرىندە، LED-ەكرانداردا، مەديابوردتاردا جانە مەديسينالىق ۇيىمداردا ەرتە دياگنوستيكانىڭ ماڭىزدىلىعىنا، ەمدەۋدىڭ زاماناۋي ادىستەرىنە جانە وسى اۋرۋمەن كۇرەسەتىن بالالاردى الەۋمەتتىك قولداۋ قاجەتتىلىگىنە نازار اۋداراتىن ارنايى بەينەروليكتەر تاراتىلادى.
اكسيانىڭ ماقساتى - قوعامنىڭ نازارىن كىشكەنتاي پاسيەنتتەر مەن ولاردىڭ وتباسىلارىنىڭ الدىندا تۇرعان ماسەلەلەرگە اۋدارۋ، سونداي-اق ۋاقتىلى كومەك پەن حاباردارلىق كوپتەگەن بالالاردىڭ ءومىرىن ساقتاپ قالۋى مۇمكىن ەكەنىن ەسكە سالۋ.
«ءبىز اقپاراتتاندىرۋ وزگەرىستەرگە العاشقى قادام دەپ سانايمىز. بۇل اپتا بالالار وبىرىمەن كۇرەستىڭ ماڭىزدىلىعىن ەسكە سالىپ قانا قويماي، قوعامنىڭ، دارىگەرلەر مەن مەملەكەتتىك قۇرىلىمداردىڭ كۇش — جىگەرىن ءبىزدىڭ قولداۋىمىزعا مۇقتاج بالالارعا كومەكتەسۋ ءۇشىن بىرىكتىرۋ مۇمكىندىگى بولىپ تابىلادى»، — دەپ اتاپ ءوتتى اكسيانى ۇيىمداستىرۋشىلار.
15 اقپاندا اتاپ وتىلەتىن حالىقارالىق بالالار وبىرىنا قارسى كۇرەس كۇنى ءۇمىت پەن بىرلىكتىڭ سيمۆولىنا اينالدى.
قازاقستان بۇل جاھاندىق باستاماعا ەلەۋلى ۇلەس قوسىپ، حاباردارلىق دەڭگەيىن ارتتىرۋعا جانە ادامداردى ماڭىزدى ءىستىڭ اينالاسىنا بىرىكتىرۋگە كومەكتەسەدى.
«Help Today» قق، «پەدياتريا جانە بالالار حيرۋرگياسى عىلىمي ورتالىعى» اق، «قازاقستان پەدياترلارىنىڭ وداعى» قب اكسياسىن ۇيىمداستىرۋشىلار بارلىق قازاقستاندىقتاردى وسى باستامانى قولداۋعا جانە بالالارمەن جانە ولاردىڭ وتباسىلارىمەن ىنتىماقتاستىق بىلدىرۋگە شاقىرادى. ءبىز بىرگە ولارعا سالاۋاتتى بولاشاققا مۇمكىندىك بەرە الامىز!
