Qazaqstanda usaq buzaqylyq úshin jaza kúsheitiledi. Bul jóninde Senat depýtattarynyń saýalyna jaýap bergen Premer-ministr Oljas Bektenov málim etti, dep habarlaidy Dalanews.kz.
Onyń aitýynsha, 2025 jylǵy 10 qańtarda «Ákimshilik quqyq buzýshylyq týraly kodekske ózgerister men tolyqtyrýlar engizý týraly» zań qabyldanǵan. Soǵan sáikes, ÁQBtK jańa baptarmen – 49-1, 49-2 jáne 914-1-baptarmen tolyqtyryldy. Bul normalar qoǵamdyq jumystar institýtyn engizýdi kózdeidi jáne 2025 jylǵy 1 qyrkúiekten bastap qoldanysqa enedi.
Úkimet basshysy usaq buzaqylyq boiynsha (ÁQBtK-niń 434-baby) jazalaý sharalary da qataitylǵanyn atap ótti. Atap aitqanda:
434-baptyń 1-bóligine sáikes: 20 AEK (1 AEK – 3 932 teńge) mólsherinde aiyppul salynady nemese 5-ten 15 táýlikke deiin qamaýǵa alý, ne bolmasa 20-dan 60 saǵatqa deiin qoǵamdyq jumystarǵa tartý jazasy qarastyrylǵan.
434-baptyń 2-bóligine sáikes: 15-ten 30 táýlikke deiin ákimshilik qamaýǵa alý nemese 60-tan 100 saǵatqa deiingi qoǵamdyq jumystar sanktsiiasy engizildi.
«Osylaisha, buzaqylyq áreketterge qatysty jaza túrlerin qatańdatý máselesi quzyrly memlekettik organdardyń baqylaýynda bolyp, tiisti sheshimder qabyldandy», – dedi Premer-ministr.
