Qazaqstanda 2028 jylǵa deiin úsh jańa avtokólik markasynyń óndirisi iske qosylyp, júrgizýshisiz júk tartqyshtar shyǵaryla bastaidy, dep habarlaidy dalanews.kz.
Bul týraly Úkimet otyrysynda Ónerkásip jáne qurylys ministri Ersaiyn Naǵaspaev málimdedi, dep habarlaidy Dalanews.
Ministrdiń aitýynsha, aldaǵy jyldary eldegi avtomobil ónerkásibi jańa kezeńge ótip, óndiriletin kólik túrleri keńeiedi.
«2028 jylǵa deiin jeńil jáne kommertsiialyq avtokólik óndirisin keńeitý boiynsha jańa jobalardy júzege asyrý josparlanýda. Memleket basshysynyń Qytaiǵa sapary aiasynda Li Auto, OMODA jáne JAECOO markaly avtomobilder óndirisin, SITRAK pilotsyz júk tartqyshtaryn shyǵarýdy jáne BYD kompaniiasymen birlesip joǵary jyldamdyqty zariadtaý stansalary jelisin damytý kózdelýde», – dedi Ersaiyn Naǵaspaev.
Ministrdiń málimetinshe, búginde Qazaqstanda jeńil avtomobilder, avtobýstar, júk jáne arnaiy tehnika shyǵaratyn 11 kásiporyn jumys isteidi. Ótken jyly jalpy investitsiia kólemi 346 mlrd teńgeden asatyn KIA Qazaqstan jáne Astana Motors Manufacturing Kazakhstan zaýyttary iske qosylǵan.
Sondai-aq avtozaýyttarda jasandy intellekt pen tsifrlyq tehnologiialardy engizý jumystary jalǵasyp jatyr.
«Qaýipsizdikti jedel basqarýǵa arnalǵan jasandy intellektke negizdelgen ahýaldyq ortalyq iske qosyldy. Intellektýaldy platforma beinekameralardan, datchikterden jáne aqparattyq júielerden kelip túsetin derekterdi taldap, táýekelderdi, tótenshe jaǵdailardy jáne aýytqýlardy jedel anyqtap, olardy ýaqytyly joiýǵa múmkindik beredi», – dedi ministr.
Ministrdiń aitýynsha, bul jobalar avtomobil ónerkásibiniń óndiristik áleýetin arttyrýmen qatar, jańa tehnologiialardy engizýge jáne elektr kólikterine arnalǵan infraqurylymdy damytýǵa baǵyttalǵan.
