قازاقستاندا 2028 جىلعا دەيٸن ٷش جاڭا اۆتوكٶلٸك ماركاسىنىڭ ٶندٸرٸسٸ ٸسكە قوسىلىپ, جٷرگٸزۋشٸسٸز جٷك تارتقىشتار شىعارىلا باستايدى, دەپ حابارلايدى dalanews.kz.
بۇل تۋرالى ٷكٸمەت وتىرىسىندا ٶنەركەسٸپ جەنە قۇرىلىس مينيسترٸ ەرسايىن ناعاسپاەۆ مەلٸمدەدٸ, دەپ حابارلايدى Dalanews.
مينيستردٸڭ ايتۋىنشا, الداعى جىلدارى ەلدەگٸ اۆتوموبيل ٶنەركەسٸبٸ جاڭا كەزەڭگە ٶتٸپ, ٶندٸرٸلەتٸن كٶلٸك تٷرلەرٸ كەڭەيەدٸ.
«2028 جىلعا دەيٸن جەڭٸل جەنە كوممەرتسييالىق اۆتوكٶلٸك ٶندٸرٸسٸن كەڭەيتۋ بويىنشا جاڭا جوبالاردى جٷزەگە اسىرۋ جوسپارلانۋدا. مەملەكەت باسشىسىنىڭ قىتايعا ساپارى اياسىندا Li Auto, OMODA جەنە JAECOO ماركالى اۆتوموبيلدەر ٶندٸرٸسٸن, SITRAK پيلوتسىز جٷك تارتقىشتارىن شىعارۋدى جەنە BYD كومپانيياسىمەن بٸرلەسٸپ جوعارى جىلدامدىقتى زاريادتاۋ ستانسالارى جەلٸسٸن دامىتۋ كٶزدەلۋدە», – دەدٸ ەرسايىن ناعاسپاەۆ.
مينيستردٸڭ مەلٸمەتٸنشە, بٷگٸندە قازاقستاندا جەڭٸل اۆتوموبيلدەر, اۆتوبۋستار, جٷك جەنە ارنايى تەحنيكا شىعاراتىن 11 كەسٸپورىن جۇمىس ٸستەيدٸ. ٶتكەن جىلى جالپى ينۆەستيتسييا كٶلەمٸ 346 ملرد تەڭگەدەن اساتىن KIA Qazaqstan جەنە Astana Motors Manufacturing Kazakhstan زاۋىتتارى ٸسكە قوسىلعان.
سونداي-اق اۆتوزاۋىتتاردا جاساندى ينتەللەكت پەن تسيفرلىق تەحنولوگييالاردى ەنگٸزۋ جۇمىستارى جالعاسىپ جاتىر.
«قاۋٸپسٸزدٸكتٸ جەدەل باسقارۋعا ارنالعان جاساندى ينتەللەكتكە نەگٸزدەلگەن احۋالدىق ورتالىق ٸسكە قوسىلدى. ينتەللەكتۋالدى پلاتفورما بەينەكامەرالاردان, داتچيكتەردەن جەنە اقپاراتتىق جٷيەلەردەن كەلٸپ تٷسەتٸن دەرەكتەردٸ تالداپ, تەۋەكەلدەردٸ, تٶتەنشە جاعدايلاردى جەنە اۋىتقۋلاردى جەدەل انىقتاپ, ولاردى ۋاقىتىلى جويۋعا مٷمكٸندٸك بەرەدٸ», – دەدٸ مينيستر.
مينيستردٸڭ ايتۋىنشا, بۇل جوبالار اۆتوموبيل ٶنەركەسٸبٸنٸڭ ٶندٸرٸستٸك ەلەۋەتٸن ارتتىرۋمەن قاتار, جاڭا تەحنولوگييالاردى ەنگٸزۋگە جەنە ەلەكتر كٶلٸكتەرٸنە ارنالعان ينفراقۇرىلىمدى دامىتۋعا باعىتتالعان.
