Qazaqstanda turaqty turýǵa ruqsat (TTR) alýǵa múmkindik beretin sheteldikterge arnalǵan suranysqa ie mamandyqtar tizimi keńeitilmek, dep habarlaidy dalanews.kz.
Eńbek jáne halyqty áleýmettik qorǵaý ministrligi tiisti túzetýler ázirledi. Jańa jobaǵa sáikes, shetel azamattarynyń turaqty turýǵa ruqsat alýyna negiz bolatyn suranysqa ie mamandyqtar sany 51-den 174-ke deiin ulǵaitylmaq.
Ministrlik bul sheshim ulttyq ekonomikanyń qajettilikteri men basym salalardy bilikti kadrlarmen qamtamasyz etý maqsatynda qabyldanyp otyrǵanyn atap ótti.
Vedomstvonyń málimetinshe, bastama joǵary bilikti mamandardy Qazaqstanǵa tartýǵa baǵyttalǵan. Bul eńbek naryǵyndaǵy kadr tapshylyǵyn azaityp, ekonomikanyń mańyzdy sektorlaryn damytýǵa yqpal etýi tiis.
Qujat jobasy «Ashyq NQA» portalynda jariialanyp, qoǵamdyq talqylaýǵa shyǵaryldy. Talqylaý 2026 jylǵy 6 qazanǵa deiin jalǵasady.
