Qazaqstanda tuńǵysh ret kóz ishi qaterli isigine shaldyqqan balalarǵa SIAHT otasy jasalady
Kóz ishi qaterli isigi- retinoblastomany emdeýdiń organsaqtaýshy ádisin engizý, iaǵni bul otany jasaý balalardyń kózderin saqtap qalýǵa múmkindik beredi. Operatsiianyń ereksheligi de osynda.
Sheberlik-synybyn ótkizýge jáne retinoblasto-kóz ishi qaterli isigine shaldyqqan tórt balaǵa SIAHT operatsiiasyn jasaý úshin Reseiden N.N.Blohin atyndaǵy Onkologiialyq ulttyq meditsinalyq zertteý ortalyǵynyń (Máskeý q.) dárigerleri – angiohirýrg I.A.Trofimov jáne anesteziolog L.A.Martynov arnaiy shaqyryldy. Sharaǵa sheberlik-synybynyń tyńdaýshylary retinde Qazaqstan Respýblikasynyń barlyq óńirlerinen onkolog dárigerler, pediatrlar men oftalmologtar qatysady.
Balalarda kezdesetin kóz ishi isiginiń arasyndaretinoblastoma 90%-dyquraidy jáne joǵary qaterliligimen sipattalady. Jyl saiyn álemde retinoblastomanyń 8100 jańa jaǵdaiy anyqtalady, onyń ishinde 570-810 jaǵdai nárestelerde. Retinoblastoma kóz almasynyń bárin isik tinderimen basyp, kórý júikesine, kóz uiasyna, bas miyna ósip shyǵatyn agressivti barysymen sipattalady. Isik tek kórý qabiletinen aiyrý túrinde ǵana qaýip tóndirip qoimaidy, sonymen qatar metastazdyń jáne basqa organdarda da ekinshi qaterli isiktiń damýy saldarynan ólim-jitimniń joǵarylyǵy túrinde de qaýipti.
Qazaqstan Respýblikasynda 2016 jyldan beri retinoblastoma diagnozymen anyqtalǵan barlyq balalar QR Densaýlyq saqtaý ministrliginiń Pediatriia jáne balalar hirýrgiiasy ǵylymi ortalyǵynda em alady.
Qazaq kóz aýrýlary ǵylymi-zertteý institýty osy atalǵan tehnologiiany Qazaqstan Respýblikasynda engizýge bastama kóterip otyr. Sonymen qatar, ony kepildi kólemdegi tegin meditsinalyq kómekke qosýǵa usynýda. SIAHT ádisi jáne basqa da emdeýdiń organsaqtaýshy ádisteri engizilgen «Balalardaǵy retinoblastoma» klinikalyq hattamasy qaita qaraýǵa ázirlendi. QR Densaýlyq saqtaý ministrligi bekitkennen keiin SIAHT ádisi balalar onkologiialyq qyzmeti men interventsiialyq hirýrgiia shoǵyrlandyrylǵan jáne retinoblastomaǵa shaldyqqan barlyq balalarǵa negizgi em jasalynatyn QR Densaýlyq saqtaý ministrliginiń Pediatriia jáne balalar hirýrgiiasy ǵylymi ortalyǵynyń praktikasyna engiziletin bolady.
Kóz ishi qaterli isigi- retinoblastomany emdeýdiń organsaqtaýshy ádisin engizý jáne damytý Qazaqstan azamattarynyń óz otanynda anatomiialyq jáne fýnktsionaldyq organ retinde kózderin saqtai otyryp joǵary mamandandyrylǵan tegin kómek alýyna múmkindik beredi.
