Qazaqstanda 2025 jyldan bastap uialy telefondy verifikatsiialaý (tekserý) tártibi engizildi. Bul talap qurylǵy Qazaqstanda zańdy túrde óndirilgenin nemese elge resmi ákelingenin rastaýǵa baǵyttalǵan, dep habarlaidy dalanews.kz.
2026 jylǵy 19 maýsymda Prezident Qasym-Jomart Toqaev telekommýnikatsiia naryǵyn damytýǵa qatysty zańǵa qol qoidy. Jańa normalar internet jáne telefon alaiaqtyǵyna qarsy kúresti kúsheitip, tutynýshylardyń quqyǵyn qorǵaýdy kózdeidi.
Zańǵa sáikes verifikatsiiadan ótpegen uialy telefondar talapqa sai emes taýar dep tanylady. Mundai qurylǵyny satyp alǵan azamat satýshydan aqshasyn qaitarýdy, telefondy aýystyrýdy, baǵasyn tómendetýdi nemese aqaýdy tegin jóndeýdi talap ete alady. Bul talap tek satýshyǵa qoiylady.
Endi satýshylar telefondy satar aldynda onyń verifikatsiia mártebesin tekserýge jáne satyp alýshyǵa qurylǵynyń sáikestendirý kodyn (IMEI) usynýǵa mindetti.
Sondai-aq, verifikatsiiadan ótpegen telefondardy satýǵa tyiym salynady. Bul talap internet-dúkender men marketpleisterge de qatysty. Olar da satýshylardyń qurylǵyny aldyn ala tekserýin qamtamasyz etýge tiis.
Budan bólek, satýshylar satyp alý týraly qujatta nemese chekte satylǵan telefonnyń sáikestendirý kodyn kórsetýge mindetteledi.
Zań 20 maýsymda resmi jariialandy jáne jariialanǵan kúnnen bastap 60 kún ótken soń kúshine enedi.
