Úkimet otyrysynda Densaýlyq saqtaý vitse-ministri Timýr Muratov halyqty dárilik zattarmen qamtamasyz etý týraly baiandady, dep habarlaidy Dalanews.kz
Onyń aitýynsha, aǵymdaǵy jyldyń 10 aiynda 219,7 mlrd teńgege 3 millionnan astam patsient tegin dári-dármekpen qamtamasyz etilgen.
Meditsinalyq uiymdardy úzdiksiz jabdyqtaý úshin Biryńǵai distribiýtor 21 mlrd teńge somasyna tómendetilmeitin dári-dármek qoryn qurdy. Bul qor meditsinalyq uiymdardyń 2-3 ailyq qajettiligin jabýǵa múmkindik beredi jáne onkologiia, qant diabeti, qan uiýynyń buzylýy, aǵzalar men tinderdi transplantattaý jáne basqa da mańyzdy baǵyttardy qosa alǵanda, aýrýlardyń negizgi toptaryn qamtidy.
«Sozylmaly aýrýlardyń bir bóligin TMKKK paketinen MÁMS-ke aýystyrýǵa qaramastan, barlyq memlekettik kepildikter tolyǵymen saqtalady, qarjylandyrý kólemi ózgerissiz qalady. Tek qarjylandyrý kózi ózgertildi. Qant diabeti, revmatoidty artrit, tserebraldy sal aýrýy jáne basqa da sozylmaly aýrýlary bar patsientter qajetti preparattardy tolyq kólemde alýdy jalǵastyrady», — dep atap ótti T.Muratov.
Bes jyldyń ishinde ambýlatoriialyq dári-dármekpen qamtamasyz etýdi qarjylandyrý bir jarym esege jýyq — 115-ten 262 mlrd teńgege deiin ósti. Qazaqstan Halyqty joǵary deńgeide tegin dári-dármekpen qamtamasyz etetin elderdiń qataryna kiredi: jan basyna shaqqandaǵy shyǵystar 50 AQSh dollarynan asady.
Prezidenttiń baǵa belgileý tetikterin reformalaý jónindegi tapsyrmalaryn oryndaý sheńberinde QR Densaýlyq saqtaý ministrligi júieli jumys júrgizdi, onyń negizgi nátijesi generikalyq preparattarǵa shekti baǵalardyń túpnusqa dári-dármekter qunynan 30%-ǵa tómendeýi boldy. Referenttik elderdiń jańartylǵan tizbesi jáne halyqaralyq derekter bazasyna qosylý 7,8 myńnan astam saýda ataýlarynyń baǵalaryn qaita qaraýǵa múmkindik berdi.
«Nátijeler qazirdiń ózinde baiqaldy: monitoringtiń qorytyndysy boiynsha 2025 jyldyń qazan aiynda suranysqa ie preparattardyń arasynda baǵanyń orta eseppen 11%-ǵa tómendeýi baiqaldy»,-dedi Densaýlyq saqtaý vitse-ministri.
Biryńǵai distribiýterdiń satyp alý nátijeleri boiynsha únemdeý 70,5 mlrd teńgeni qurady. Únemdelgen qarajat dári-dármekterdi qosymsha satyp alýǵa baǵyttalǵan.
Naryqty qorǵaý úshin tańbalaý jáne qadaǵalaý júiesi engizildi. Ol dári-dármek ainalymynyń ashyqtyǵyn arttyryp, salyq túsimderiniń 24%-ǵa ósýine yqpal etti.
Tsifrlandyrýdy damytý jumystyń jeke baǵytyna ainaldy. Meditsinalyq uiymdarda retseptterdiń elektrondyq kóshirmesi engizildi, bul olardy resimdeý ýaqytyn eki esege qysqartty.
Ministrlik jasandy intellektti qajettilikter men jetkizilimderdi boljaý kezinde, sondai-aq jalǵan retseptterdi anyqtaý úshin qoldanýdy josparlap otyr. Bul dári-dármekpen qamtamasyz etý júiesin neǵurlym ashyq jáne tiimdi etýge múmkindik beredi.
Qazaqstanda 20 476 dárilik zat pen meditsinalyq buiym, onyń ishinde otandyq óndiristiń 15%-dan astamy tirkelgen. DDU usynǵan ómirlik mańyzdy dáriler tiziminde qazaqstandyq preparattardyń úlesi 37%-dy quraidy.
Assortimentti keńeitý úshin EýrAzEQ rásimderi boiynsha dárilik zattardy tirkeý júrgiziledi, bul olardyń sanyn 60%-ǵa arttyrady. 300-den astam preparat - qazaqstandyq óndiris. Ótinish berýshiler úshin saraptama jumystarynyń quny 90%-ǵa tómendetildi, Sall-ortalyq jáne saraptama portaly quryldy.
«Dárilik zattar men meditsinalyq buiymdardyń sapasyn baqylaýdyń naryqtan iriktep satyp alýdy jáne densaýlyq saqtaý uiymdarynan irikteýdi kózdeitin qosymsha formaty engizildi. Mundai tásil kontrafaktilik ónimniń ishki naryqta paida bolýyna jol bermeidi»,-dep atap ótti Úkimet otyrysynda Premer-ministr Oljas Bektenov.
Dári-dármekterdiń qoljetimdiligin qamtamasyz etý úshin dárihana uiymdarynyń jelisi keńeitilýde. Elde 10 myńnan astam dárihana, onyń 2700-i aýyldyq jerlerde jumys isteidi. Shalǵai óńirler úshin 11 jyljymaly dárihana pýnkti jumys isteidi.
Úkimet otyrysynda halyqty dári-dármekpen qamtamasyz etý máselesin qaraý kezinde Premer-ministr eldiń farmatsevtikalyq naryǵyn damytýdyń jańa tásilderin atap ótti.
«Memleket basshysy óz dári-dármekteriniń sany men assortimentin arttyrý boiynsha mańyzdy mindet qoidy. Ol úshin dári-dármekter men meditsinalyq buiymdardy tirkeýdiń jeńildetilgen tetigi engizildi. Nátijesinde Qazaqstanda jańa preparatty tirkeý 2-5 jastan 100 jumys kúnine deiin qysqardy. Bul, árine, bizdiń halyqtyń eń jańa dári-dármekterge, emdeý ádisterine jáne diagnostikasyna qol jetimdiligin arttyrady», - dep atap ótti Oljas Bektenov.
Úkimet otyrysynyń qorytyndysy boiynsha Premer-Ministr bólshek saýda segmentinde dári-dármek baǵasynyń negizsiz ósýine jol bermeý jóninde sharalar qabyldaýdy tapsyrdy.
