ۇكىمەت وتىرىسىندا دەنساۋلىق ساقتاۋ ۆيسە-مينيسترى تيمۋر مۇراتوۆ حالىقتى دارىلىك زاتتارمەن قامتاماسىز ەتۋ تۋرالى باياندادى، دەپ حابارلايدى Dalanews.kz
ونىڭ ايتۋىنشا، اعىمداعى جىلدىڭ 10 ايىندا 219،7 ملرد تەڭگەگە 3 ميلليوننان استام پاسيەنت تەگىن دارى-دارمەكپەن قامتاماسىز ەتىلگەن.
مەديسينالىق ۇيىمداردى ۇزدىكسىز جابدىقتاۋ ءۇشىن ءبىرىڭعاي ديستريبيۋتور 21 ملرد تەڭگە سوماسىنا تومەندەتىلمەيتىن دارى-دارمەك قورىن قۇردى. بۇل قور مەديسينالىق ۇيىمداردىڭ 2-3 ايلىق قاجەتتىلىگىن جابۋعا مۇمكىندىك بەرەدى جانە ونكولوگيا، قانت ديابەتى، قان ۇيۋىنىڭ بۇزىلۋى، اعزالار مەن تىندەردى ترانسپلانتاتتاۋ جانە باسقا دا ماڭىزدى باعىتتاردى قوسا العاندا، اۋرۋلاردىڭ نەگىزگى توپتارىن قامتيدى.
«سوزىلمالى اۋرۋلاردىڭ ءبىر بولىگىن تمككك پاكەتىنەن مامس-كە اۋىستىرۋعا قاراماستان، بارلىق مەملەكەتتىك كەپىلدىكتەر تولىعىمەن ساقتالادى، قارجىلاندىرۋ كولەمى وزگەرىسسىز قالادى. تەك قارجىلاندىرۋ كوزى وزگەرتىلدى. قانت ديابەتى، ريەۆماتويدتى ارتريت، سەرەبرالدى سال اۋرۋى جانە باسقا دا سوزىلمالى اۋرۋلارى بار پاسيەنتتەر قاجەتتى پرەپاراتتاردى تولىق كولەمدە الۋدى جالعاستىرادى»، — دەپ اتاپ ءوتتى ت.مۇراتوۆ.
بەس جىلدىڭ ىشىندە امبۋلاتوريالىق دارى-دارمەكپەن قامتاماسىز ەتۋدى قارجىلاندىرۋ ءبىر جارىم ەسەگە جۋىق — 115-تەن 262 ملرد تەڭگەگە دەيىن ءوستى. قازاقستان حالىقتى جوعارى دەڭگەيدە تەگىن دارى-دارمەكپەن قامتاماسىز ەتەتىن ەلدەردىڭ قاتارىنا كىرەدى: جان باسىنا شاققانداعى شىعىستار 50 اقش دوللارىنان اسادى.
پرەزيدەنتتىڭ باعا بەلگىلەۋ تەتىكتەرىن رەفورمالاۋ جونىندەگى تاپسىرمالارىن ورىنداۋ شەڭبەرىندە ق ر دەنساۋلىق ساقتاۋ مينيسترلىگى جۇيەلى جۇمىس جۇرگىزدى، ونىڭ نەگىزگى ناتيجەسى گەنەريكالىق پرەپاراتتارعا شەكتى باعالاردىڭ ءتۇپنۇسقا دارى-دارمەكتەر قۇنىنان 30%-عا تومەندەۋى بولدى. رەفەرەنتتىك ەلدەردىڭ جاڭارتىلعان تىزبەسى جانە حالىقارالىق دەرەكتەر بازاسىنا قوسىلۋ 7،8 مىڭنان استام ساۋدا اتاۋلارىنىڭ باعالارىن قايتا قاراۋعا مۇمكىندىك بەردى.
«ناتيجەلەر ءقازىردىڭ وزىندە بايقالدى: مونيتورينگتىڭ قورىتىندىسى بويىنشا 2025 جىلدىڭ قازان ايىندا سۇرانىسقا يە پرەپاراتتاردىڭ اراسىندا باعانىڭ ورتا ەسەپپەن 11%-عا تومەندەۋى بايقالدى»،-دەدى دەنساۋلىق ساقتاۋ ۆيسە-مينيسترى.
ءبىرىڭعاي ديستريبيۋتەردىڭ ساتىپ الۋ ناتيجەلەرى بويىنشا ۇنەمدەۋ 70،5 ملرد تەڭگەنى قۇرادى. ۇنەمدەلگەن قاراجات دارى-دارمەكتەردى قوسىمشا ساتىپ الۋعا باعىتتالعان.
نارىقتى قورعاۋ ءۇشىن تاڭبالاۋ جانە قاداعالاۋ جۇيەسى ەنگىزىلدى. ول دارى-دارمەك اينالىمىنىڭ اشىقتىعىن ارتتىرىپ، سالىق تۇسىمدەرىنىڭ 24%-عا وسۋىنە ىقپال ەتتى.
سيفرلاندىرۋدى دامىتۋ جۇمىستىڭ جەكە باعىتىنا اينالدى. مەديسينالىق ۇيىمداردا رەسەپتتەردىڭ ەلەكتروندىق كوشىرمەسى ەنگىزىلدى، بۇل ولاردى رەسىمدەۋ ۋاقىتىن ەكى ەسەگە قىسقارتتى.
مينيسترلىك جاساندى ينتەللەكتتى قاجەتتىلىكتەر مەن جەتكىزىلىمدەردى بولجاۋ كەزىندە، سونداي-اق جالعان رەسەپتتەردى انىقتاۋ ءۇشىن قولدانۋدى جوسپارلاپ وتىر. بۇل دارى-دارمەكپەن قامتاماسىز ەتۋ جۇيەسىن نەعۇرلىم اشىق جانە ءتيىمدى ەتۋگە مۇمكىندىك بەرەدى.
قازاقستاندا 20 476 دارىلىك زات پەن مەديسينالىق بۇيىم، ونىڭ ىشىندە وتاندىق ءوندىرىستىڭ 15%-دان استامى تىركەلگەن. ددۇ ۇسىنعان ومىرلىك ماڭىزدى دارىلەر تىزىمىندە قازاقستاندىق پرەپاراتتاردىڭ ۇلەسى 37%-دى قۇرايدى.
اسسورتيمەنتتى كەڭەيتۋ ءۇشىن ەۋرازەق راسىمدەرى بويىنشا دارىلىك زاتتاردى تىركەۋ جۇرگىزىلەدى، بۇل ولاردىڭ سانىن 60%-عا ارتتىرادى. 300-دەن استام پرەپارات - قازاقستاندىق ءوندىرىس. ءوتىنىش بەرۋشىلەر ءۇشىن ساراپتاما جۇمىستارىنىڭ قۇنى 90%-عا تومەندەتىلدى، سall-ورتالىق جانە ساراپتاما پورتالى قۇرىلدى.
«دارىلىك زاتتار مەن مەديسينالىق بۇيىمداردىڭ ساپاسىن باقىلاۋدىڭ نارىقتان ىرىكتەپ ساتىپ الۋدى جانە دەنساۋلىق ساقتاۋ ۇيىمدارىنان ىرىكتەۋدى كوزدەيتىن قوسىمشا فورماتى ەنگىزىلدى. مۇنداي ءتاسىل كونترافاكتىلىك ءونىمنىڭ ىشكى نارىقتا پايدا بولۋىنا جول بەرمەيدى»،-دەپ اتاپ ءوتتى ۇكىمەت وتىرىسىندا پرەمەر-مينيستر ولجاس بەكتەنوۆ.
دارى-دارمەكتەردىڭ قولجەتىمدىلىگىن قامتاماسىز ەتۋ ءۇشىن ءدارىحانا ۇيىمدارىنىڭ جەلىسى كەڭەيتىلۋدە. ەلدە 10 مىڭنان استام ءدارىحانا، ونىڭ 2700ء-ى اۋىلدىق جەرلەردە جۇمىس ىستەيدى. شالعاي وڭىرلەر ءۇشىن 11 جىلجىمالى ءدارىحانا پۋنكتى جۇمىس ىستەيدى.
ۇكىمەت وتىرىسىندا حالىقتى دارى-دارمەكپەن قامتاماسىز ەتۋ ماسەلەسىن قاراۋ كەزىندە پرەمەر-مينيستر ەلدىڭ فارماسيەۆتيكالىق نارىعىن دامىتۋدىڭ جاڭا تاسىلدەرىن اتاپ ءوتتى.
«مەملەكەت باسشىسى ءوز دارى-دارمەكتەرىنىڭ سانى مەن اسسورتيمەنتىن ارتتىرۋ بويىنشا ماڭىزدى مىندەت قويدى. ول ءۇشىن دارى-دارمەكتەر مەن مەديسينالىق بۇيىمداردى تىركەۋدىڭ جەڭىلدەتىلگەن تەتىگى ەنگىزىلدى. ناتيجەسىندە قازاقستاندا جاڭا پرەپاراتتى تىركەۋ 2-5 جاستان 100 جۇمىس كۇنىنە دەيىن قىسقاردى. بۇل، ارينە، ءبىزدىڭ حالىقتىڭ ەڭ جاڭا دارى-دارمەكتەرگە، ەمدەۋ ادىستەرىنە جانە دياگنوستيكاسىنا قول جەتىمدىلىگىن ارتتىرادى»، - دەپ اتاپ ءوتتى ولجاس بەكتەنوۆ.
ۇكىمەت وتىرىسىنىڭ قورىتىندىسى بويىنشا پرەمەر-مينيستر بولشەك ساۋدا سەگمەنتىندە دارى-دارمەك باعاسىنىڭ نەگىزسىز وسۋىنە جول بەرمەۋ جونىندە شارالار قابىلداۋدى تاپسىردى.
