Ridderde memlekettik mekemeler, kásiporyndar jáne áleýmettik qyzmetter úshin jumys kestesi ózgerdi, dep habarlaidy Dalanews.kz.
14 naýryzdan bastap Shyǵys Qazaqstan oblysy Ridder qalasynyń turǵyndary úshin jumys kúni bir saǵat erte bastalady – saǵat 08:00-den 17:30-ǵa deiin, túski úzilis 12:00-den 13:30-ǵa deiin.
Qala ákimdiginde bul ózgeris eńbek protsesin ońtailandyrýǵa jáne jumys tiimdiligin arttyrýǵa baǵyttalǵanyn, sonymen qatar óńirdiń klimattyq erekshelikteri eskerilgenin túsindirdi.
“Búginde Shyǵys Qazaqstan oblysynyń 11 aýdany jańa jumys kestesine kóshti, jáne biz bul bastamany qýana qabyldadyq. Jumys kestesin ózgertý – kún tártibin yńǵaily ári ónimdi etýge jasalǵan qadam. Endi turǵyndar tańerteńgi ýaqytty tiimdi paidalanyp, jaryq kezeńde kóbirek is atqara alady, bul qosymsha kúsh salýdy qajet etpeidi”, – dep túsindirdi Ridder qalasy ákiminiń orynbasary Bolat Aqýjanov.
Ol bul ózgeristerdiń jumys isteitin azamattarǵa da, olardyń otbasylaryna da paida ákeletinin atap ótti.
Bul ózgerister mektepterge, balabaqshalarǵa jáne meditsinalyq mekemelerge áser etpeidi, óitkeni olar burynnan 08:00-den bastap jumys istep keledi.
Ridder qalasy ákiminiń orynbasary Bolat Aqýjanovtyń aitýynsha, jańa jumys kestesine kóshý týraly sheshim qabyldamas buryn birneshe kezdesýler ótkizilip, másele jan-jaqty talqylanǵan.
