KMF mikroqarjy uiymy banktik litsenziiaǵa ie boldy,dep habarlaidy Dalanews.kz.
Jańa bank "KMF Bank" AQ ataýyna ie. Ol jeke tulǵalarǵa, ózin-ózi jumyspen qamtýshylarǵa jáne kásipkerlerge qyzmet kórsetýge basa nazar aýdarady. Banktiń bas keńsesi Almatyda ornalasqan. Osylaisha KMF Qazaqstandaǵy 23-shi bank bolady.
Buǵan deiin tórt mikroqarjy uiymdary bankke ainalýǵa niet bildirgen bolatyn: BNK Finance Kazakhstan, "Onlain QazQarjy" (Solva brendimen), KMF jáne "Bereke". Olardyń barlyǵy qazirdiń ózinde JShS–dan AQ-ǵa ótip úlgergen. BNK Finance Kazakhstan MQU 2025 jylǵy maýsymda bank boldy.
KMF qarjy esebine sáikes, kompaniianyń jarǵylyq kapitalyndaǵy úlestiń 60,435%-y korporativti menshik - "KMF-Demeý" qoryna, 16,627% MultiConcept Fund Management S. A-ǵa, 9,585% Legal Owner Triodos Funds B. V-ǵa, 7,085% - Triodos SICAV II, 6,226% basshylyqqa jáne kompaniia qyzmetkerlerine, 0,042% - responsAbility SICAV (Lux) kompaniiasyna tiesili. Sońǵy kompaniianyń baqylaýshysy - AQSh-ta tirkelgen ACDI / VOCA kommertsiialyq emes uiymy. Ol "KMF-Demeý" korporativtik qorynyń jalǵyz quryltaishysy bolyp tabylady. Mikroqarjylyq uiym 1997 jyly USAID qoldaýymen quryldy jáne bastapqyda "Qazaqstandyq qaýymdastyqtardy kreditteý qory" degen ataýǵa ie edi. Keiinirek onyń aty KMF MQU bolyp ózgertildi.
