Qazaqstanda sharýa qojalyqtaryna siyr etin eksporttaýdy jeńildetý josparlanyp otyr. Bul týraly tiisti ózgerister jobasy “Ashyq NQA” portalynda jariialandy, dep habarlaidy Dalanews.kz.
Jobaǵa sáikes, eksportqa qatysatyn sharýashylyqtarǵa qoiylatyn talaptar qaita qaralmaq. Atap aitqanda, ózinde et óńdeitin kásiporny bar fermerlik sharýashylyqtar úshin eń tómengi talap 500 bas iri qaraǵa deiin tómendetilýi múmkin.
Al óz et kombinaty joq, biraq iri kólemde mal ustaityn sharýashylyqtarǵa da shetelge ónim shyǵarý múmkindigi berilmek. Eger mundai sharýa qojalyqtarynda iri qara sany 5 myń bastan assa, olar etti basqa et kombinattarynyń qyzmetin paidalaný arqyly eksporttai alady.
Sonymen qatar siyr etin shetelge shyǵarýǵa alty ailyq kvota engizý usynylyp otyr. Jospar boiynsha jańa soiylǵan, salqyndatylǵan jáne muzdatylǵan siyr etiniń jalpy eksport kólemi 20 myń tonnaǵa deiin bolýy múmkin.
Kvota kólemi sharýashylyqtaǵy mal basyna qarai belgilenedi. Mysaly, shamamen 5 myń bas iri qarasy bar fermerlik sharýashylyqtar 1 myń tonnaǵa deiin et eksporttai alady. 10 myń bas maly bar sharýashylyqtarǵa 2 myń tonnaǵa deiin, 15 myń basy barlarǵa 3 myń tonnaǵa deiin kvota qarastyrylmaq. Al 20 myń bas maly bar fermalarǵa 4 myń tonnaǵa deiin, eń iri – shamamen 50 myń bas maly bar sharýashylyqtarǵa 10 myń tonnaǵa deiin et eksporttaýǵa múmkindik beriledi.
