Energyprom sarapshylary usynǵan málimetke súiensek, Qazaqstanda stomatologiialyq qyzmetterdiń baǵasy bir jylda 11,2% - ǵa óstken. Osyǵan qaramastan, naryq qarqyndy damýda, 2025 jyldyń birinshi jartyjyldyǵynda qazaqstandyqtar tisterin emdetýge 63,7 mlrd teńge jumsady, bul ótken jylmen salystyrǵanda 30,5%-ǵa artyq kólem, dep habarlaidy Dalanews.kz.
"Bul somanyń 54 mlrd teńgeden astamyn tutynýshylar óz qaltasynan tóledi. Kásiporyndar men biýdjet shyǵyndary, kerisinshe, qysqardy", delingen sholýda.
Tis emdeýge qarajat kóp jumsaityn Astana turǵyndary bolyp shyqty: 16,1 mlrd teńge, bul ótken jylmen salystyrǵanda 36%-ǵa artyq. Ekinshi orynda — Almaty (16 mlrd teńge), úshinshi orynda — Batys Qazaqstan oblysy (2,8 mlrd teńge).
Eń qoljetimdi qyzmetter — Qyzylorda, Jetisý jáne Ulytaý oblystarynda.
Baǵanyń aitarlyqtai ósimi myna óńirlerde tirkeldi: Atyraý oblysy (+29,7%), Ulytaý oblysy (+26,6%), Shymkent (+20,4%).
Eń turaqty baǵalar — Jetisý oblysynda (+1,8%), Astanada (+2,7%) jáne Túrkistan oblysynda (+3,7%).
Eger qyzmet túrleri boiynsha bólip qarastyratyn bolsaq:
- anesteziia berý arqyly tis juldyrý 12,1%-ǵa,
- kariesti
- emdeý 14,2%-ǵa,
- tis tasyn tazalaý 11,1%-ǵa,
- protez ornatý 14,8%-ǵa qymbattady.
Stomatologiialyq klinikalarǵa salynǵan investitsiialar 2025 jylǵy qańtar-tamyz ailarynda 17,5% - ǵa, iaǵni 1,6 mlrd teńgege deiin ósti. Investitsiialar boiynsha kóshbasshy Túrkistan oblysy boldy, munda investitsiia kólemi 7 ese ósti. Aqshanyń kóp bóligi banktik nesieler emes, klinikalardyń óz qarajaty esebinen salynady.
Sarapshylar bul baǵa ósimin importtyq materialdar, jabdyqtar men jaldaý aqysynyń qymbattaýymen bailanystyrady. Sonymen qatar, kóptegen jeke klinikalar jabdyqty jańartýǵa jáne qyzmet kórsetý aiasyn keńeitýge investitsiia salady.
