2026 jyldyń jazy Qazaqstanda meteobaqylaý júrgizile bastaǵaly bergi eń ystyq jaz retinde tirkeldi. Mamandardyń málimetinshe, maýsym, shilde jáne tamyz ailaryndaǵy ortasha aýa temperatýrasy qalypty kórsetkishten 2,15 gradýsqa joǵary bolǵan, dep habarlaidy dalanews.kz.
Aýa temperatýrasynyń normadan joǵary bolýy eldiń kóptegen óńirinde baiqaldy.
Ásirese Aqmola men Qaraǵandy oblystarynyń shyǵys bóliginde, Pavlodar oblysynda, Shyǵys Qazaqstan jáne Abai oblystarynda aptap ystyq erekshe sezilgen. Eń joǵary kórsetkish Qaraǵandy oblysyndaǵy Bes-Oba meteostantsiiasynda tirkelip, temperatýra qalypty deńgeiden 4 gradýsqa joǵary bolǵan.
Jazda jaýyn-shashyn da az tústi
Biylǵy jaz tek ystyǵymen ǵana emes, qurǵaq aýa raiymen de erekshelendi. Sinoptikterdiń málimetinshe, jaz ailarynda túsken jaýyn-shashyn mólsheri kópjyldyq ortasha kórsetkishten 7,12 millimetrge az bolǵan.
Degenmen jaýyn-shashyn kólemi óńirler boiynsha ártúrli boldy. Kei jerlerde jańbyr qalypty mólsherden áldeqaida az jaýsa, keibir aimaqtarda kórsetkishter birshama joǵary bolǵan.
