Shilde aiynyń alǵashqy onkúndiginde elimizde esirtkige qatysty 187 quqyq buzýshylyq anyqtaldy. Onyń ishinde 86 qylmystyq teris qylyq jáne 101 qylmys tirkelgen, dep habarlaidy dalanews.kz.
Politsiia osy kezeńde esirtki satýdyń 46 dereginiń, asa iri kólemde saqtaýdyń tórt faktisiniń, quramynda esirtkisi bar ósimdikterdi zańsyz ósirýdiń 40 jaǵdaiynyń jáne esirtkini zańsyz alyp ótýdiń tórt dereginiń jolyn kesti.
Quqyq qorǵaý organdary zańsyz ainalymnan 266 keli prekýrsor men 760 keli esirtkini tárkiledi. Onyń ishinde 121 keliden astamy sintetikalyq esirtki bolǵan.
Sondai-aq Astanada 26 jastaǵy er adam ustaldy. Tergeý málimetinshe, odan jalpy salmaǵy 245 gramm bolatyn a-PVP sintetikalyq esirtkisi salynǵan 227 orama tabylǵan. Kúdikti atalǵan zattardy qala aýmaǵynda taratýdy kózdegen.
