Qazaqstanda shendilerdiń «Porsche Cayenne» minetinine qýanamyn
Aisáýle shetelde júrgende Qazaqstan týraly maqtanyshpen sóz etetinin atap ótti.
– Qazaq bolǵandy jaqsy kóremin. Ásirese, shetelde qazaq bolý bárinen kúshti nárse. Biraq kóbinese oryssha sóilemiz dep aitýǵa uialamyn. Qazaqstanda eldiń bári tek memlekettik tilde sóileidi dep ótirik aitýdy ádetke ainaldyryp aldym, – deidi ol.
Boijetkenniń aitýynsha, Amerikada Qazaqstannyń qandai el ekenin biletinder de, bilmeitinder de bar. Baian Maqsatqyzynyń qyzy Qazaqstandyq bilmeitin sheteldikterge Otanym týraly aitqandy unatatynyn alǵa tartty.
– Jalpy, biz dara ultpyz dep oilaimyn. Aziatpyz, biraq qytai men japondarǵa uqsamaimyz, Tek kózimizdiń qysyńqy keletinin eseptemesek… Biraq olarmen eshqandai týystyq bailanysymyz joq ekenin túsindirýdiń ózi bir ǵanibet. Tilimiz túrkige jatady, soǵan qaramastan orys tilin bilemiz, aǵylshyn tilinde de erkin sóileimiz. Kei adamdar Qazaqstannyń qaida ekenin jáne qandai el ekenin biledi. Al endi keibireýler bizdi Pákistanmen, Aýǵanstanmen shatastyrady. Ondailarǵa bizdiń elimizde tynyshtyq jáne munaidyń kóp ekenin, tipti kei sheneýnikterdiń «Porsche Cayenne» kóligimen júretinin qýana túsindiremin. Sondai-aq, Amerikaǵa azamattyq alý úshin emes, bilim izdep, ony Otanymyzdyń igiligine jumsaý maqsatynda kelgenimizdi janym kirip túsindiremin. Mundaǵy dostarymdy Qazaqstanǵa qonaqqa shaqyramyn. Basqa eshbir elde bizdegidei qonaqjailylyq tanytpaitynyn aitamyn, – deidi Aisáýle.
