قازاقستاندا شەندٸلەردٸڭ «Porsche Cayenne» مٸنەتٸنٸنە قۋانامىن
ايسەۋلە شەتەلدە جٷرگەندە قازاقستان تۋرالى ماقتانىشپەن سٶز ەتەتٸنٸن اتاپ ٶتتٸ.
– قازاق بولعاندى جاقسى كٶرەمٸن. ەسٸرەسە, شەتەلدە قازاق بولۋ بەرٸنەن كٷشتٸ نەرسە. بٸراق كٶبٸنەسە ورىسشا سٶيلەمٸز دەپ ايتۋعا ۇيالامىن. قازاقستاندا ەلدٸڭ بەرٸ تەك مەملەكەتتٸك تٸلدە سٶيلەيدٸ دەپ ٶتٸرٸك ايتۋدى ەدەتكە اينالدىرىپ الدىم, – دەيدٸ ول.
بويجەتكەننٸڭ ايتۋىنشا, امەريكادا قازاقستاننىڭ قانداي ەل ەكەنٸن بٸلەتٸندەر دە, بٸلمەيتٸندەر دە بار. بايان ماقساتقىزىنىڭ قىزى قازاقستاندىق بٸلمەيتٸن شەتەلدٸكتەرگە وتانىم تۋرالى ايتقاندى ۇناتاتىنىن العا تارتتى.
– جالپى, بٸز دارا ۇلتپىز دەپ ويلايمىن. ازياتپىز, بٸراق قىتاي مەن جاپوندارعا ۇقسامايمىز, تەك كٶزٸمٸزدٸڭ قىسىڭقى كەلەتٸنٸن ەسەپتەمەسەك… بٸراق ولارمەن ەشقانداي تۋىستىق بايلانىسىمىز جوق ەكەنٸن تٷسٸندٸرۋدٸڭ ٶزٸ بٸر عانيبەت. تٸلٸمٸز تٷركٸگە جاتادى, سوعان قاراماستان ورىس تٸلٸن بٸلەمٸز, اعىلشىن تٸلٸندە دە ەركٸن سٶيلەيمٸز. كەي ادامدار قازاقستاننىڭ قايدا ەكەنٸن جەنە قانداي ەل ەكەنٸن بٸلەدٸ. ال ەندٸ كەيبٸرەۋلەر بٸزدٸ پەكٸستانمەن, اۋعانستانمەن شاتاستىرادى. وندايلارعا بٸزدٸڭ ەلٸمٸزدە تىنىشتىق جەنە مۇنايدىڭ كٶپ ەكەنٸن, تٸپتٸ كەي شەنەۋنٸكتەردٸڭ «Porsche Cayenne» كٶلٸگٸمەن جٷرەتٸنٸن قۋانا تٷسٸندٸرەمٸن. سونداي-اق, امەريكاعا ازاماتتىق الۋ ٷشٸن ەمەس, بٸلٸم ٸزدەپ, ونى وتانىمىزدىڭ يگٸلٸگٸنە جۇمساۋ ماقساتىندا كەلگەنٸمٸزدٸ جانىم كٸرٸپ تٷسٸندٸرەمٸن. مۇنداعى دوستارىمدى قازاقستانعا قوناققا شاقىرامىن. باسقا ەشبٸر ەلدە بٸزدەگٸدەي قوناقجايلىلىق تانىتپايتىنىن ايتامىن, – دەيدٸ ايسەۋلە.
