Sońǵy eki jylda Qazaqstanda Resei rýbliniń netto-satylymy rekordtyq kórsetkishke ie boldy. 2024 jyldyń qazan aiynda elimizdegi aqsha aiyrbastaý oryndarynda Resei rýblderin netto-satý kólemi 8,8 mlrd teńgeni qurady, bul - sońǵy eki jyldaǵy eń joǵarǵy ailyq kórsetkish, dep habarlaidy Dalanews.kz Ranking saraptamasyna silteme jasap.
"Máselen, 2023 jyldyń qazan aiynda netto-saýda kólemi múlde teriske ketken: minýs 6,1 mlrd teńge. Bul Resei valiýtasyna degen qyzyǵýshylyqtyń tómen ekendiginiń aiǵaǵy. Osy kezdegi qazaqstandyqtardyń rýblge degen qyzyǵýshylyǵynyń tómendeýine 2022 jyly Reseidiń Ýkrainadaǵy soǵys qimyldarynyń bastalýy túrtki. Al oǵan deiin, 2021 jyly rýbldiń ortasha ailyq taza saýdasyndaǵy kólem 45,4 mlrd-tan 88,8 mlrd teńge aralyǵynda júrdi",- deidi sarapshylar.
Óńirlik bóliniste 2024 jylǵy qańtar–qazan ailarynda Resei rýblderin Shyǵys Qazaqstan jáne Qaraǵandy oblystarynyń aqsha aiyrbas oryndary kóptep satqani: 10,6 mlrd jáne 7,6 mlrd teńge. Olardyń izinen Aqmola men Mańǵystaý oblystary óksheleidi: 4,1 mlrd jáne 3,5 mlrd teńge. Jalpy, rýbldi netto-saýda kóleminiń oń belgisi elimizdiń 20 óńiriniń 16-synda tirkelgen.
Sarapshylar aǵymdaǵy ósimdi aimaqtaǵy ekonomikalyq jaǵdaidyń ózgerýimen bailanystyrady, biraq Resei valiýtasyna suranystyń uzaq merzimdi perspektivalary áli de dúdamal kúide qala bermek.
